Kosova në INTERPOL, Stefanoviç: Asnjë ndryshim!

Ministri i Brendshëm i Serbisë, Nebojsha Stefanoviç, tha se që nga Asambleja e Përgjitshme e INTERPOL-it, vitin e kaluar në Dubai ku është kundërshtuar kërkesa e Kosovës për t’u anëtarësuar në këtë organizatë, nuk ka pasur asnjë zhvillim që do të sillte ndryshimi të atij vendimi.

Siç thuhet në komunikatën e MPB-së serbe, raporton RFE, Stefanoviç tha se pranimi eventual i Kosovës në INTERPOL, do të krijonte mundësinë që informacionet konfidenciale “të binin në duart e kriminelëve dhe terroristëve”.

Stefanoviç i ka bërë këto komente në takim me ambasadorin e Venezuelës në Beograd, Dimas Jesus Alvarenga Guerra, i cili sipas Zyrës së ministrit serb është shprehur se Venezuela respekton sovranitetin dhe integritetin territorial të Serbisë.

Ndryshe, më 20 nëntor të vitit 2018, Kosova nuk ka arritur të anëtarësohet në INTERPOL, pasi që nuk mori shumicën e nevojshme prej dy të tretave të votave të vendeve pjesëmarrëse në Asamblenë e Përgjithshme të kësaj organizate.

Përpjekjet e Kosovës për anëtarësim në INTERPOL kanë nisur që nga viti 2010. Atë kohë, Komiteti Ekzekutiv i kësaj organizate, nuk e kishte marrë fare parasysh kërkesën e parashtruar nga institucionet e Kosovës