Kosova në KiE, Vuçiç: Gjermanët do të shkelin mbi parimet e tyre! Kështu ndodhi…

Kosova nuk humbi shansin për anëtarësim në Këshillin e Evropës siç thonë Ministrat e Jashtëm të shteteve anëtare të KiE duke përfshirë edhe atë të Shqipërisë, Igli Hasani, por, edhe në sesionin vjetor në 75-vjetorin e themelimit të kësaj organizate me mospërfshirjen e këtij anëtarësimi në rendin e ditë ndonëse u miratua në Asamblenë e Përgjithshme të KiE, u konfirmua se lufta e Perëndimit me Rusinë në Serbi vazhdon pavarësisht çmimit dhe kush e paguan, duke shkelur dhe mbi misionin e ekzistimit të kësaj organizate.

Në prag të vendimit të Komitetit të Ministrave, Presidenti i Serbisë, Aleksandar Vuçiç, ndonëse asgjë nuk përjashtoi për anëtarësimin e Kosovës në KiE, shpresë kishte tek Italia dhe Franca i bindur se Prishtina nuk do ta ketë të lehtë sepse edhe gjermanët mund ti shkelin parimet e tyre.

“Nuk do ta kenë aq të lehtë, sepse edhe gjermanët mund ti shkelin parimet e tyre. Por unë e shoh se çfarë po bëjnë. Ata tani po punojnë për një tjetër truk, ku po merr pjesë Knaus dhe e gjithë makineria e lobimit përreth tij, britanikët etj. E kjo është që ti kthehemi Planit të Ahtisarit,” tha Vuçiç për televizionin publik të Serbisë, RTS, duke vlerësuar se në këtë mënyrë në plan të dytë zhvendoset Marrëveshja e Brukselit. 

“Ata miqë që kemi, i kemi. Po luftojmë, po bëjmë gjithçka që është e mundur, por kemi të bëjmë me mundësi të kufizuara,” tha Presidenti i Serbisë ndërsa mundësinë për ndryshimin e qëndrimit të pesëshes e cila mbështetë Serbinë kur është në pyetje statusi i Kosovës, ai është i bindur se Slovakia dhe Hungaria deri sa janë Fico dhe Orban nuk do të ndryshojnë qëndrim ndërsa harron se shteti hungarez e ka pranuar Kosovën shtet të pavarur dhe sovran.

“Spanja nuk do të ndryshoj qëndrimin rreth çështjes së Kosovës. Kam frikë për qëndrimin spanjoll rreth Srebrenicës. Qipro nuk do ta ndryshoj qëndrimin. Shpresoj që Greqia nuk do ta ndryshoj qëndrimin,” tha Presidenti i Serbisë, Aleksandar Vuçiç, në prag të vendimit të Komitetit të Ministrave të KiE, kur Italia, Gjermania dhe Franca i bëjnë presion Kryeministrit Albin Kurti që ta pranoj Asociacionin e komunave me shumicë serbe nëse mendon që Kosova të anëtarësohet në Këshillin Evropës, kusht i cili lindi pasi Qeveria e Kosovës realizoi kushtin e vetëm që ishte vendosur për anëtarësim në KiE, pranimi i pronës së Manastirit të Deçanit, e cila i ishte falur nga krimineli Slobodan Milosheviç, nga prona shtetërore që i takonte Kosovës, dhe u jetësua edhe nga goja e këtij Komiteti.

Kështu ndodhi me një risi, që kundërshtimit të Gjermanisë për anëtarësim të Kosovës në KiE pa miratimin e Asociacionit të komunave me shumicë serbe iu bashkua edhe Shqipëria, e cila në prag të mbledhjes së Komitetit të Ministrave ku Kosova nuk u fut në rendin e ditës, e cilësoi madje edhe si shans të humbur të Kosovës.

Ndryshe, përkundër përceptimit që ka kanë krijuar kundërshtarët e anëtarësimit të Kosovës në Këshillin Evropës dhe frikës që ka shprehur Ministri francez për Çështje Evropiane, Jean-Noel Barrot, se Franca beson se në këtë fazë ekziston rreziku që çështja e Kosovës të shkaktojë përçarje ndërmjet shteteve në KiEvropës, dhe se çështja e anëtarësimit duhet të shqyrtohet më vonë, humbësit e vetëm në këtë lojë evropiane të përafrimit të Serbisë janë qytetarët shqiptarë të Kosovës të cilët edhe 25 vjet pas genocidit serb, administrimit nga OKB dhe shpalljes së pavarësisë, nuk kanë ku të trokasin për të drejtat e tyre dhe pronën e mohuar!