Kosova në NATO, Vulin: Kërcënim për Serbinë!
Ukrainasit shqetësohen kur shohin tanket rue pranë qyteti ose dëgjojnë alarmin për sulme ajrore ndërsa kosovarët kur shohin se Aleksandar Vuçiç ka nxjerr qenin e tij Vulin për të ndërsyer kriminelët e tij ndaj Kosovës dhe Aleatëve.
Pasi Parlamenti i Kosovës miratoi Rezolutën përmes së cilës i bënë thirrje qeverisë që të filloj negociatat për anëtarësim në NATO dhe këtë mbështetje e dha hapur pas zhvillimeve në Ukrainë edhe Presidenti i Turqisë, Recep Tayyip Erdogan, Vuçiç nxori ministrin aktual të Punëve të Brendshme dhe ish-ministrin serb të Mbrojtjes, Aleksandar Vulin, për të thënë se anëtarësimi i Kosovës në NATO, për Serbinë do të ishte kërcënim me konflikt të armatosur dhe asgjë tjetër.
“Ta fusësh Kosovën nën strehën e aleancës ushtarake do të thotë të bësh nul Rezolutën 1244 të KS OKB, të anulosh Marrëveshjen e Kumanovës si dhe të gjitha garancitë tjera që janë dhënë nga OKB, si dhe të obligosh të gjitha shtetet anëtare të NATO-s që në përputhje me Nenin 5 të Traktatit të Atlantikut të Veriut, të detyrohen të mbrojnë integritetin territorial të anëtares së sapoanëtarësuar,“ tha Vulin për të përditshmen serbe “Danas” ndërsa pyet nëse dikush dyshon se Kryeministri i Kosovës, Albin Kurti, do të “hezitonte” që të ndërmerrte sulme ndaj serbëve, “në veçanti në veri të vendit dhe të nxis konflikte dhe provokime deri sa shteti serb nuk do të detyrohet të mbrojë popullin e tij”.
“Anëtarësimi i dhunshëm i Kosovës në NATO nuk është vetëm shkelje e procedurave për anëtarësim në NATO dhe shkelje e Rezolutës 1244, por dhe kërcënim i hapur i Serbisë si dhe një formë e presionit ndaj Presidentit të Serbisë, Aleksandra Vuçiç, e këtë e dinë mirë shtetet që mbështesin anëtarësimin e Kosovës në NATO,“ tha për “Danas” Aleksandar Vulin, e për ta arsyetuar karakterin e tij kriminal, deklaratën e përfundoi duke thënë se Kosova nuk është shtet, se nuk ka ushtri dhe paraqet problem politik për të paktën katër anëtare të NATO-s, dhe se për një periudhë të gjatë nuk do të ketë kapacitete të rëndësishme ushtarake.
