Kosova s’është Serbi! Dardanët sqarojnë sllovakët: Kosova është fituese!
Pas 18 vjet gërthitjeje të sllovakëve nga livadhet e Slovakisë e deri te stadiumi në kryeqytetin e tyre Bratislavë ku pretendonin ta vazhdonin rrugën drejtë Botërorit në Amerikë, me bindjen se “Kosova është Serbi”, sonte Dardanët arritën ti bindin këta miq të kriminelëve serbë se Kosova jo vetëm që nuk është Serbi, por Kosova është fituese!
Përfaqësuesja e Kosovës mposhti Slovakinë, me rezultat 4-3, sonte në Bratislavë, në ndeshjen e gjysmëfinales së play offit për Kupën e Botës 2026, dhe tani është vetëm 90 minuta larg përfaqësimit të Kosovës në Amerikë, me përballjen në Prishtinë kundër Turqisë më 31 Mars 2026.
Dardanët bën një superndeshje kundër sllovakëve, duke qenë ekip dominues dhe duke shënuar katër gola.
Ndonëse iniciativën e kishte Kosova, e para në epërsi kaloi Slovakia me golin e Valjent në minutën e 6′. Mirëpo, përfaqësuesja kosovare me anë të Veldin Hoxhës në minutën e 21′, u rikthye në lojë duke barazuar rezultatin në 1-1.
Megjithatë, sllovakët në pushim shkuan me avantazhin prej 2-1, me golin e Harslin 45’.
Në pjesën e dytë të kësaj supersfide, ishin futbollistët e Kosovës shumë më të mirë se sllovakët, duke e përmbysur epërsinë e Slovakisë.
Fillimisht Fisnik Asllani 47’, barazoi në 2:2. Pas një orë lojë, Florent Muslija më një supergol kalojë Kosovën në epërsi prej 3:2. Goditjen e fundit sllovakëve ua dha Kreshnik Hajrizi 72’, duke realizuar për rezultatin 4-2, derisa serinë e gola në këtë ndeshje e mbylli Strelc 90’ me rezultatin përfundimtar, Slovaki-Kosovë 3-4.
Njëri ndër më meritorët për këtë fitore, trajneri i Përfaqësueses së Kosovës, Franco Foda, është shprehur i lumtur me fitoren e Kosovës kund Sllovakisë.
“Bëmë një lojë të bukur për tifozët pasi u shënuan shtatë gola dhe jam i lumtur për skuadrën time që shënoi katër, por i pranuam tre,” tha strategu gjerman i qartë se nga nesër duhet të mendohet për finalen e madhe të play offit kundër Turqisë ndërsa përfundoi:
“Nga nesër do të nisim të përgatitemi për kundërshtarin e radhës. Në shtëpinë tonë, me këtë publik, me këtë atmosferë shpresojmë se do të fitojmë.”
