Kosova shpall Hezbollahun organizatë terroriste

Kosova është renditur në krah me Shtetet e Bashkuara, Britaninë e Madh, Gjermaninë dhe disa vende të tjera të Bashkimit Evropian të cilat e kanë shpallur Hezbollahun si organizatë terroriste.

“Qeveria e Republikës së Kosovës, me qëllim të ruajtjes së sigurisë kombëtare, rajonale dhe globale, mbrojtjes së interesave shtetërore dhe pjesëmarrjes aktive në aleancat ndërkombëtare të luftimit të grupeve terroriste, ka miratuar vendimin që Organizatën Globale Terroriste ‘Hezbollah’ krahun e saj politik dhe ushtarak, ta shpallë organizatë terroriste në territorin e Republikës së Kosovës,” thuhet në vendimin i cili u mor në mbledhjen e fundit të Qeverisë së Kosovës me qëllim të ruajtjes së sigurisë kombëtare, rajonale dhe globale.

Vendimi obligon organet përgjegjëse të sigurisë në Kosovë që në pajtim me praktikat ndërkombëtare të ndërmarrin masat e nevojshme për zbatimin e tij.