“Kosovarët dhe Afganët”, në Olimpiadën e idiotëve, Edi Rama padyshim se do ta merrte medaljen e artë!

Ndonëse nuk ishte në “The World Idiots” por në emisionin e njohur të BBC, “The World Tonight’’, asgjë nuk ndryshoi në prezantimin e Kryeministrit Edi Rama, lidhur me vendimin e Shqipërisë për të strehuar afganë.

U mburr me strehimin e hebrenjve edhe pse partia që ai drejton i ka akuzuar si kolaboracionist të fashistëve dhe i ka vrarë ata që arriti, pikërisht qeverinë që strehoi hebrenjtë.

“Ne kishim një kod nderi, që thotë se nuk ka turp më të madh në jetë se të dorëzosh mikun,” dhe kjo është e vërtetë por si i quan Partia Socialiste dhe Edi Rama ata që u vranë nga partia paraardhëse e saj PPSH sepse nuk e shkelën këtë kod.

Por, idiotizmi i Edi Ramës nuk fiket këtu, ai vazhdon dhe krahason refugjatët afganë me shqiptarët e Kosovës. Gazetarja normale e BBC duke pasur parasysh 3.000 refugjatët afganë që do strehoj Shqipëria, pyet Kryeministrin e një vendi që nuk është i pasur nëse do të jetë barrë e madhe për këtë vend në aspektin praktik, ai jep përgjigjen që as idioti më i madh në botë nuk do ta mendonte:

“Na është dashur të ofrojmë strehë në Shqipëri jo shumë kohë më parë. Asokohe, unë isha ministër i Kulturës, kur strehuam rreth gjysmë milioni refugjatë nga Kosova, të cilët po i iknin spastrimit etnik!”

Mendësia që ka Kryeministri i Shqipërisë për shqiptarët e Kosovës ndërsa i krahason me afganët është e frikshme, dhe e vetmja gjë që nuk është gënjeshtër në gjithë këtë përgjigje është fakti se ishte Ministër i Kulturës në kohën e luftës së vitit 1999.

Nuk dihet se çfarë bënë Këshilltari i pronotuar nga UDB-ja kur nuk e sqaron se çfarë janë kosovarët dhe çfarë janë afganët, kush është “Shqipëria” e kosovarëve dhe kush e afganëve, dhe ti kujtojë këtij njeriu që ka krijuar idenë se është Kryeministër i idiotëve, se në vitin 1999 shteti shqiptar nuk strehoi asnjë refugjatë nga Kosova! Asnjë! Dhe, po të mos ishin shtetet perëndimore me kampe dhe vëllezërit shqiptarë zemërgjerë të Shqipërisë, nuk dihet se si do të kishin përfunduar shqiptarë e Kosovës; Dhe, tek atëherë qeveria që ai i takonte si ministër i Kulturës do të shihnin tmerr me sy!

Madje kujdesi ndaj afganëve me të cilët është angazhuar shteti shqiptar ka munguar edhe në rastin e tërmetit shkatërrimtar të 26 Nëntorit të vitit 2019, ku konviktet e studentëve ndonëse ishin bosh, kishte të pastreh që ishin në çadra gjatë gjithë dimrit.

Apo “fitorja” e 25 Prillit i dha të drejtën Edi Ramës të thotë sot çfarë t’i doj zemra, dhe deliri vazhdoi edhe në një emision si “The World Tonight’’.

Gjithsesi, një gjë është e sigurt, sikur të ekzistonte një Olimpiadë e idiotëve, Edi Rama padyshim se do ta merrte medaljen e artë!

Si do të futej ndër idiotë?! Sipas Fjalorit të gjuhës së bukur shqipe, idiot do të thotë:

1. psikol., mjek. Njeri me zhvillim mendor shumë të mangët që nga lindja, ai që vuan nga idiotësia. Pamje (shikim) idioti. Fytyrë idioti.

2. Ai që është i metë ose shumë i trashë nga mendja; ai që sillet, flet a vepron si i tillë (edhe shar.). Fjalë idioti. Sjellje (punë) idioti. Çfarë idioti! Përd. mb. sipas kuptimeve të emrit. Fëmijë idiot.

Për zhvillimin e tij mendor vendos mjekësia por ama që sillet, flet dhe vepron si idiot, nuk ka nevojë për prova shkencore, e ka dhënë provimin!

Ndryshe, ata që kanë durim mund ta dëgjojnë edhe intervistën e plotë dhënë për “The World Tonight’’, :

Intervista e Kryeministri Edi Rama për BBC

BBC: Një vend i vogël evropian, që nuk është në BE, por është anëtar i NATO-s, ka rënë dakord t’u ofrojë strehim afganëve që do të shkojnë për në Shtetet e Bashkuara të Amerikës. Grupi i parë pritet të mbërrijë këto ditë dhe në vijim mund të strehohen deri në 3 000 prej tyre. Kryeministri i Shqipërisë, Edi Rama, na tregoi se pse vendi i tij ishte ofruar t’i pranonte.

Rama: Sepse kjo është ajo çka ne jemi. Shqipëria ishte i vetmi vend në Evropë që kishte më shumë hebrenj pas Luftës sesa përpara saj dhe arsyeja ishte se në Shqipëri ne kishim një kod nderi, që thotë se nuk ka turp më të madh në jetë se të dorëzosh mikun. Kështu, hebrenjve këtu iu dha strehë dhe është një nga faqet më të bukura të historisë sonë. Së dyti, ne ishim afganët disa dekada më parë, kur u larguam nga Shqipëria, kështjella e Koresë së Veriut të Evropës, nën një diktaturë brutale dhe trokitëm në dyert e të tjerëve dhe u mirëpritëm. Sigurisht, me shumë vështirësi, por, në thelb, u mirëpritëm. Së treti, sepse mendoj që duhet ta bëjmë edhe për fëmijët tanë. Fëmijët tanë duhet të kuptojnë se kjo është bota ku jetojmë. Ne mund të mos jemi të pasur, po nuk mund t’ia lejojmë vetes ta kemi kujtesën të shkurtër.

BBC: Siç po thoni, ju nuk jeni vend i pasur. Mund t’ju duhet t’i strehoni këta njerëz për një farë kohe. A do të jetë barrë e madhe për Shqipërinë në aspektin praktik?

 Rama: Mos harroni një gjë se në Evropën Perëndimore njerëzit i kanë harruar luftërat. Luftërat për ta janë thjesht dokumentare në Netflix. Për ne, luftërat kanë qenë këtu dhe kemi parë luftëra. Kemi parë tmerret e luftës dhe na është dashur të ofrojmë strehë në Shqipëri jo shumë kohë më parë. Asokohe, unë isha ministër i Kulturës, kur strehuam rreth gjysmë milioni refugjatë nga Kosova, të cilët po i iknin spastrimit etnik. Mbijetuam, ja ku jemi. Nuk jemi vend i pasur, por ja ku jemi sërish, kështu që financiarisht, moralisht e në gjithçka nuk mendoj se u dëmtuam. Mendoj që ajo përvojë na pasuroi më shumë moralisht.

BBC: Sot, është zhvilluar një debat mjaft i fortë në parlament, këtu në Uestminister, rreth pozicionit të Mbretërisë së Bashkuar, asaj çka duhet të ndodhë dhe pse vendet e tjera nuk ia dolën të parashikonin sa shpejt do ta merrnin kontrollin talebanët dhe janë ngritur pikëpyetje lidhur edhe me vetë NATO-n, ndërkohë që Shtetet e Bashkuara të Amerikës vendosën të vepronin të vetme në thelb dhe vende të tjera, si Mbretëria e Bashkuar, që kishin trupa atje, ndjenë se nuk patën zgjedhje tjetër përveçse të tërhiqeshin edhe ata. A mendoni se kjo e ka vënë në një farë mënyre në pikëpyetje qëllimin e NATO-s?

Rama: Më duket sinqerisht e paarsyeshme që fajësimi i ShBA-së po përdoret për t’iu kthyer kurrizin afganëve që kanë nevojë për ne tani. Së pari, të shpëtojmë njerëzit e më pas të debatojmë si të duam për NATO-n, për pushtimin, për mospushtimin e kështu me radhë. Sigurisht që tërheqja ishte vendim i njëanshëm i ShBA-së, por jemi të gjithë bashkë pjesë e kësaj.

BBC: Po a nuk është e drejtë që disa prej nesh të pyesin a jemi pjesë të gjithë bashkë, nëse Amerika tërhiqet në mënyrë të njëanshme?

 Rama: Po, është e vërtetë, keni të drejtë, por, tani, kjo nuk është arsye për t’iu kthyer kurrizin këtyre njerëzve, e kam fjalën, njerëzve që kanë nevojë për strehë. Unë e kam diskutuar këtë në samitin e NATO-s dhe jam shprehur se e di për çfarë flas, pasi ne kemi jetuar në një regjim që ishte si ai i talebanëve. Na duhet të mendojmë për të nesërmen e njerëzve që kanë punuar për ne, pasi ata do të etiketohen si tradhtarë e do të trajtohen si tradhtarë dhe trajtimi i tyre si tradhtarë në atë regjim nënkupton vdekjen.

BBC: Atëherë, edhe një mendim të fundit fare për refugjatët. Mbretëria e Bashkuar ka deklaruar sot se do të pranojë 20 000 persona brenda disa vjetëve, duke filluar me 5 000, por do të ketë disa vende evropiane, të cilat mund të vendosin se nuk janë të gatshëm të pranojnë refugjatë. Ju dhatë argumentin moral se pse vendi juaj vendosi të bënte atë që bëri. Çfarë mesazhi do të kishit për aleatët evropianë që janë skeptikë, që janë të pasigurt lidhur me pranimin e refugjatëve nga Afganistani.

Rama:  Nuk e di. Nuk e di çfarë do të thotë 20 000 veta brenda shumë viteve, pasi ne duhet t’u gjendemi atyre që kanë punuar me ne dhe janë mijëra e mijëra, e mijëra, e mijëra të cilëve duhet t’u gjendemi krah sot, jo përgjatë shumë viteve, por ato mund të mbyllen, mund të bëjnë ç’të duan.

BBC: Ky ishte Kryeministri i Shqipërisë, Edi Rama.