Kosovë, Exit Poll: PDK fiton në Mitrovicë, në balotazh Prishtina, Gjakova…

Me përmbylljen e qendrave të votimit, Exit Pollet sjellin shumë të papritura nga zgjedhjet lokale në Kosovë dhe përmbysjen e shumë rezultateve aty ku janë projektuar fituesit e bindshëm. Lëvizja Vetëvendosje që qeverisë me Kosovën pas fitores bindëse në zgjedhjet parlamentare, nuk ka arritur fitore në Prishtinë dhe Mitrovicë, ku në kryeqytet shkon në balotazh deri sa në qytetin e minatorëve ka pësuar humbje. Por, vlenë të theksohet se Lëvizja Vetëvetëndosje ka korrur fitore në Gjakovë atu ku Ardian Gjini i AAK ishte proejtkuar si fitues bindës.

Vendet e tjera që do të shkojnë në balotazh janë: Prizreni, Rahoveci, Gjilani, Klina, Malisheva, Podujeva, Vushtrria, Kaçaniku dhe Vitia.

Kështu, pas dy mandateve me drejtimin e Prishtinës, sipas Exit Pollit të realizuar nga Tomor Qela dhe të prezantuar në Klan Kosova, Arben Vitia i Lëvizjes Vetëvendosje renditet i pari me 43.7 për qind por shkon në balotazh me Përparim Ramën e LDK-së i cili ka marrë 27.1 për qind.

Arben Vitia, VV: 43.7 %

Përparim Rama, LDK: 27.1 %

Uran Ismaili, PDK: 20.8 %

Daut Haradinaj, AAK: 5.0 %

Gëzim Mehmeti, AKR: 2.7

Të tjera: 0.7

Në Mitrovicë, Lëvizja Vetëvendosje gjithashtu nuk arriti të fitoi por për dallim nga Kryeqyteti këtu ajo pësoi humbje dhe kandidati i PDK, Bedri Hamza, është fitues i bindshëm me 53.12 për qind duke lënë mbrapa Agim Bahtirin e Lëvizjes Vetëvendosje me vetëm 34.82 për qind

Bedri Hamza, PDK: 53.12 për qind

Agim Bahtiri, VV: 34.82%

Armend Agolli, LDK: 12.06%

Mimoza Kusari e Lëvizjes Vetëvendosje ka bërë përmbysje spektakolare në Gjakovë duke u renditur e para me 41.70 për qind përballë Ardian Gjinit të AAK me 39.10 ndonëse i duhet të fitoi edhe në balotazh.

Mimoza Kusari, VV: 41.70%

Ardian Gjini, AAK 39.10%

Por Lëvizja Vetëvendosje nuk arriti të ruaj as Prizrenin ku kandidati i saj Mytaher Haskuka ndonëse i pari mka marrë vetëm 37.91 për qind të votave dhe shkon në balotazh me Shaqir Totajn e PDK-së i cili fitoi 35.30 për qind të votave. E treta është LDK me 17.76% që pasohet nga AAK-ja me 4.14 përqind dhe NISMA e fundit me 3.60 përqind.

Mytaher Haskuka, LVV: 37.91%

Shaqir Totajn, PDK: 35.30%

Deri më tani, sipas rezultateve të EXIT-POLL-it të prezantuar në Klan Kosova, komunat të cilat dihen fituesit pa balotazh janë: Në Drenas fiton Partia Demokratike e Kosovës, në Fushë Kosovë fiton Lidhja Demokratike e Kosovës, në Skenderaj fiton Bekim Jashari, në Ferizaj fiton Partia Demokratike e Kosovës, në Mitrovicë fiton pa balotazh Partia Demokratike e Kosovës, në Han të Elezit fiton pa balotazh Rufki Suma, në Shtime fiton Partia Demokratike e Kosovës, në Deçan fiton Aleanca për Ardhmërinë e Kosovës, në Lipjan fiton Lidhja Demokratike e Kosvoës, në Junik fiton Aleanca për Ardhmërinë e Kosovës dhe në Suharekë fiton Aleanca për Ardhmërinë e Kosovës.

Ndërkohë Komisioni Qendror i Zgjedhjeve ka filluar të publikojë rezultatet nga numërimi i votave. Deri më tani në Prishtinë janë numëruar 195.978 apo 0,74% të votave. Aktualisht Aben Vitia ka 239 vota apo 41,93%, Përparim Rama 176 apo 30,88%, Uran Ismaili 79 vota apo 13,86%, Daut Haradinaj 65 vota apo 11,40%, Gëzim Mehmeti 10 vota apo 1,75%, Avni Çakmaku 1 votë apo 0,18%.

Rezultatet në kohë reale nga KQZ mund ti ndiqni Këtu

Ndryshe, sipas të dhënave të Komisionit Qendror të Zgjedhjeve, nga 96 për qind e votave të numëruara rezulton se pjesëmarrja në zgjedhjet lokale në Kosovë ishte 42.85 për qind .