Kosovë, konfirmohen 2 raste me koronavirus

Kryeministri i Kosovës, Albin Kurti, dhe minsistri i Shëndetësisë, Arben Vitia, kanë konfirmuar dy raste në Kosovë me Koronavirus.

“Njëra paciente është 20-vjeçare, shtetase nga Italia, dhe tjetri kosovar me moshë 79-vjeçare”, tha Vitia.

Kryeministri Albin Kurti ka kërkuar që të mos bëhet panik.

“Ftohen të gjithë qytetarët që pa panik e me kujdes t’i përmbahen këshillave me kujdes të shtuar ato që janë nxjerrë nga institucionet e shtetit. Të gjithë së bashku do t’ia dalim edhe në këtë betejë,” tha Kurti, duke shtuar që këto dy rast të mos na shtohen.

Albin Kurti me këtë rast tha se është diskutuar për mbylljen e kufijve, por kjo sipas tij, të ndodhë pjesërisht.

Nga IKSHP thonë se do të ndërmarrin masat e shtuara për parandalimin e përhapjes së koronavirusit në Kosovë.

Pas konfirmimit të dy rasteve me koronavirus,Qeveria e Kosovës do të mbajë mbledhje të jashtëzakonshme në orën 19:00.