Kosovë, KQZ certifikon edhe 9 subjekte politike për zgjedhjet lokale të 12 Tetorit

Komisioni Qendror i Zgjedhjeve i Kosovës, sot ka certifikuar grupin e dytë me 9 subjekte politike, prej të cilave 4 iniciativa qytetare dhe 5 kandidatë të pavarur, me gjithsej 66 kandidatë për pjesëmarrje në Zgjedhjet Lokale të cilat do të mbahen më 12 tetor 2025.

Numri i përgjithshëm i kandidatëve, që përfaqësojnë këto subjekte politike, është: 66 kandidatë, prej të cilëve 4 kandidatë për Kryetarë të Komunave dhe 62 për anëtarë të Kuvendeve Komunale.

Në mbledhjen e kaluar më 12 gusht 2025, KQZ certifikoi grupin e parë prej 10 subjekteve politike – 2 iniciativa qytetare dhe 8 kandidatë të pavarur, me gjithsej 64 kandidatë – 5 kandidatë për Kryetarë Komune dhe 59 kandidatë për anëtarë të Kuvendeve Komunale.

Kështu, numri i përgjithshëm i subjekteve politike të certifikuara nga KQZ deri më 14 gusht 2025 është: 19 subjekte politike, prej të cilave 6 iniciativa qytetare dhe 13 kandidatë të pavarur, me gjithsej 130 kandidatë, 9 kandidatë për Kryetarë Komune dhe 121 për anëtarë të Kuvendeve Komunale.