Kosovë, KQZ çregjistron dy subjekteve politike

Komisioni Qendror i Zgjedhjeve, KQZ, në Kosovë ka çregjistruar sot Partinë Republikane për Ndryshime, PRN, dhe Shpresa Demokrate, SHD.

Pas shqyrtimit të rekomandimit të Zyrës për çregjistrimin e dy partive politike, me 7 vota për dhe një kundër, Komisioni Qendror i Zgjedhjeve ka çregjistruar Partinë Republikane për Ndryshime, PRN, dhe Shpresën demokrate, SHD.

Drejtori i Sekretariatit të KQZ-së, Besnik Buzhala, bëri të ditur se Shpresa Demokrate dhe Partia Republikane për Ndryshime nuk kanë dorëzuar raportet vjetore financiare në Zyrë, as pas afatit shtesë prej 15 ditësh.

Ndryshe, subjektet politike për çdo vit obligohen që më së voni më 31 mars të dorëzojnë në Zyrën për Regjistrim, Certifikim dhe Kontrollin Financiar të Subjekteve Politike, formularin për vazhdimin e regjistrimit.