Kosovë, KQZ publikon shpenzimet e partive parlamentare

Komisioni Qendror i Zgjedhjeve, KQZ, ka publikuar Raportin e shpenzimeve tremujore të subjekteve politike parlamentare në Kosovë për periudhën tetor–dhjetor 2025, në bazë të rezultateve të zgjedhjeve parlamentare të mbajtura më 9 shkurt 2025.

Sipas të dhënave të bëra publike nga KQZ-ja, Lëvizja Vetëvendosje, LVV, kryeson listën e shpenzimeve, duke raportuar rreth 1 milion e 263 mijë euro të shpenzuara gjatë kësaj periudhe tremujore.

Në vendin e dytë renditet Partia Demokratike e Kosovës, PDK, e cila ka deklaruar shpenzime në vlerë prej rreth 280 mijë e 822 euro.

Ndërkohë, Lidhja Demokratike e Kosovës, LDK, ka raportuar shpenzime prej rreth 224 mijë e 859 euro, po ashtu për periudhën tetor–dhjetor 2025.

Ndërsa, Aleanca për Ardhmërinë e Kosovës, AAK, ka bërë të ditur se shpenzimet e saj gjatë kësaj periudhe raportuese kanë qenë rreth 70 mijë euro.

Ndryshe, KQZ thekson se publikimi i këtyre të dhënave realizohet në kuadër të rritjes së transparencës dhe monitorimit të financimit të subjekteve politike, në përputhje me legjislacionin në fuqi