Kosovë, KQZ: Vazhdon numërimi i votave nga diaspora

KQZ e Kosovës ka bërë të ditur se në Qendrën e Numërimit dhe Rezultateve, QNR, është duke vazhduar procesi i numërimit të fletëvotimeve që i takojnë votimit jashtë Kosovës, përkatësisht votimit përmes postës.

“Nga fillimi i procesit (e shtunë, 3 janar, ora 16:00) dhe deri më tani (e diel, 4 janar, ora 16:00), janë numëruar 41 nga 92 kuti votimi, brenda të cilave janë vendosur pakot me fletëvotime që deri më tani janë sjellur në Kosovë,” thekson KQZ duke saktësuar se fletëvotimet e numëruara u takojnë komunave: Deçan (4), Gjakovë (6), Gllogoc (2), Gjilan (7), Dragash (1), Istog (4), Kaçanik (2), Klinë (2), Fushë Kosovë (2), Kamenicë (3), Mitrovicë e Jugut (4), Lipjan (2) dhe Rahovec (2).

Ndryshe në platformën e KQZ-së për rezultate https://resultsparliamentary2025.kqz-ks.org/ janë duke u përditësuar të dhënat ndërkohë gjatë javës, procesit të numërimit do t’i bashkohen edhe fletëvotimet nga votimi me kusht, si dhe ato nga votimi i personave me nevoja të veçanta.

Sipas të dhënave paraprake të KQZ-së, nga 57 vendvotime me kusht, të shpërndara në 38 komuna të vendit, në sistem janë evidentuar mbi 9.900 votues të regjistruar për të votuar me kusht. Ndërkaq, numri i votuesve të regjistruar në programin e votimit për persona me nevoja të veçanta ka qenë 2.860.