Kosovë-Maqedoni e Veriut, sfidat në luftimin e korrupsionit, krimit të organizuar dhe terrorizmit

Gjatë këtij takimi është diskutuar për të arriturat dhe Sfidat në luftimin e korrupsionit, krimit të organizuar dhe terrorizmit në Kosovë dhe Maqedoni të Veriut ishin temë e diskutimit të takimit të Kryeprokurorit Prokurorisë Speciale të Kosovës, Blerim Isufaj, Kryeprokurorin për Krim të Organizuar dhe Korrupsion e Maqedonisë së Veriut, Islam Abazi, që u zhvillua në Prishtinë ku u fol dhe për arritjet e prokurorive përkatëse.

“Bashkëbiseduesit diskutuan edhe për rishikimin e organizimit të institucioneve, shkëmbimin e përvojave dhe rritjen e bashkëpunimit mes këtyre dy institucioneve me qëllim të forcimit të sundimit të ligjit në rajon,” thekson Prokuroria Speciale përmes një njoftimi.

Delegacionin nga Prokuroria për Krim të Organizuar dhe Korrupsion e Maqedonisë së Veriut, kryesuar nga nga Kryeprokurori, Islam Abazi, Kryeprokurori i Prokurorisë Speciale të Kosovës, Blerim Isufaj, i ka informuar me punën dhe funksionimin e Prokurorisë Speciale, si dhe sfidat me të cilat ballafaqohet ky institucion në përmbushjen e misionit të tij.

“Delegacioni i Prokurorisë për Krim të Organizuar dhe Korrupsion të Maqedonisë së Veriut, është pritur në takim edhe nga ushtruesi i detyrës së Kryeprokurorit të shtetit, Besim Kelmendi, me të cilin kanë biseduar për rritjen e bashkëpunimit mes këtyre dy institucioneve. Të pranishëm në këto takime ishin edhe përfaqësues të Ambasadës Britanike në Prishtinë, të cilët mundësuan realizimin e këtyre takimeve,” thekson Prokuroria Speciale e Kosovës përmes një njoftimi.