Kosovë, përfundon numërimi i votave në 31 komuna, procesi vazhdon në 7 të tjera

Numërimi i votave të kandidatëve po shkon drejt fundit. Sipas të dhënave më të reja nga Komisioni Qendror i Zgjedhjeve të Kosovës, deri tash ka përfunduar procesi i numërimit në 31 komuna derisa në 7 komuna të tjera ky proces po vazhdon. Nga 2.533 vendvotime sa kishte gjithsej, janë numëruar votat në 2.349 vendvotime apo 92.73 për qind.

“Sipas të dhënave të pranuara nga Qendrat Komunale të Numërimit, në të cilat është duke vazhduar apo ka përfunduar procesi i numërimit të votave të kandidatëve për deputetë nga Zgjedhjet për Kuvendin e Kosovës, deri më 19 shkurt 2025 janë numëruar 92.73% e vendvotimeve apo 2.349 nga 2.533 vendvotime,” shprehet KQZ duke përfunduar:

“Procesi i numërimit ka përfunduar në 31 komuna, ndërkaq është duke vazhduar në Qendrat Komunale të Numërimit në 7 komunat tjera: Leposaviç, Pejë, Podujevë, Prishtinë, Prizren, Ferizaj dhe Zveçan.”