Kosovë-Serbi, BE: Dialogu vazhdon pavarësisht zgjedheve në Kosovë!

Dialogu Kosovë-Serbi vazhdon! Kështu tha zëdhënësi i Bashkimit Evropian, Peter Stano, pavarësisht mbajtjes së zgjedhje të parakohshme që u paralajmëruan në Kosovë.

“Ne do t’i shpallim takimet e ardhshme kur të vijë koha,” tha Peter Stano.

Pas raundit të fundit të bisedimeve në nivel të ekspertëve midis Kosovës dhe Serbisë më 10 dhjetor, të dyja delegacionet njoftuan takimin e ardhshëm në nivelin teknik për fillimin e Janarit në Bruksel.

Ndryshe, më 22 dhjetor 2020, Gjykata Kushtetuese e Kosovës shpalli të pavlefshme votën e deputetit Etem Arifi gjatë zgjedhjes së Qeverisë së kryeministrit Avdullah Hoti ndërkohë Presidenti i Serbisë, Aleksandar Vuçiç e bëri të qartë se gjatë kohës që ai do të udhëheqë shtetin serb, Kosova nuk do të pranohet si shtet.