Kosovë-Serbi, Godfrey: Zgjidhja e përhershme, jo ajo që imponohet!

Ambasadori i ri i Shteteve të Bashkuara në Beograd, Anthony Godfrey, e tha sot qartë se qëllimi i Shteteve të Bashkuara është inkurajimi i dialogut Kosovë-Serbi ndërsa thekson se sa njerëz në rajon do të kishin dobi sikur të zgjidhet çështja e Kosovës.  

Anthony Godfrey  në një intervistë për televizionin publik të Serbisë, RTS, tha se çdo zgjidhje për çështjen e Kosovës mund të jetë e përhershme, nëse është ajo për të cilën palët bien dakord, dhe çdo zgjidhje e pandershme ose e imponuar nga jashtë, nuk do të jetë jetëgjatë.    

Kryediplomati amerikan në Beograd thekson se detyra e tij është që të përmirësoj marrëdhëniet e Serbisë dhe SHBA, por që punon në interes të shtetit të tij në Ballkan.

“Interesi i Amerikës është që Ballkani Perëndimor të bëhet vend stabiliteti dhe prosperiteti, ku respektohen vlerat demokratike, ku vendet respektojnë kufijtë dhe kanë marrëdhënie të mira,” thekson Godfrey duke shtuar se kjo është rruga më e mirë drejtë Bashkimit Europian dhe kjo është arsyeja që qëllimi i tij është që të përdor gjithë energjinë që ka dhe mjetet e Ambasadës në Beograd, që ta ndihmojë Serbinë që të arrijë atë që i ka dhënë qëllim vetvetes, anëtarësimin në BE.

Ambasadori i ri i SHBA në Serbi tha me këtë rast se Bashkimi Europian ka dërguar një mesazh të keq kur tha se ndalon procesin e zgjerimin.

“I dërguari amerikan për Ballkanin Perëndimor, Matthew Palmer dhe Unë kemi biseduar dhe shprehur zhgënjimin që BE nuk ka bërë një hap para. Ky ishte një sinjal i keq,” tha Ambasadori amerikan duke shtuar gjithsesi se anëtarësimi në BE ngelet për Serbinë një nxitje e rëndësishme.

“Kolegët në Bruksel janë munduar të më bindin se nuk ka ardhur deri tek ndryshimi i plotë i politikës dhe kanë rikujtuar se zgjerimi është pjesë e dokumentit themeltar të BE, dhe çështja nuk është plotësisht e mbyllur,” tha Anthony Godfrey i cili nuk është i shqetësuar nëse ky vakum që lë shtyrja e zgjerimit mund ti lë hapësirë ndikimeve të tjera, siç janë Rusia dhe Kina.

Në fund, lidhur me skandalin me spiunët rus në Serbi, Ambasadori i ri i Shteteve të Bashkuara në Beograd, Anthony Godfrey, tha se i beson reagimit të Presidentit të Serbisë pasi publikimit të videos ku shihet qartë spiuni rus me një oficer serb, kur tha se beson që kjo vërtetë ka ndodhur: “Por, mendoj se bëri pyetje të drejtë kur tha: Pse?! E kam vështirë ta kuptoj sepse Serbia dhe Rusia kanë marrëdhënie të ngushta, dhe kjo nuk i ngjanë një gjëje që shoku mund t’ia bëjë shokut. E ne më parë jemi pyetur se pse ia bënë Solzberit, po kështu e pyeten veten edhe kolegët britanik.”