Kosovë-Serbi në Bruksel/ Takimi në mbrëmje, Vuçiç: Pozicion i vështirë i Serbisë…

Presidenti i Serbisë, Aleksandar Vuçiç, në prag të takimit të sotëm me presidentin e Kosovës, Hashim Thaçi, tha se pozicioni i Serbisë është i vështirë.

“Nuk më ofron rehati dhe nuk më pëlqen të bisedoj me Thaçin, por më mirë të bisedojmë njëqind vjet sesa të luftojmë një ditë. Kjo është puna ime. Paqja është e rëndësishme. Gjithçka tjetër nuk është për krahasim”, tha Vuçiç nga Helsinki ku po merr pjesë në Kongresin e EPP.

“Është interesante se unë për Sulejman Ugljaninin dhe përkrahësit e tij jam homoseksual dhe fashistë, për kroatët unë jam terrorist, së bashku me Alesandër Karagjorgjeviçin, për Thaçin unë jam dreq, nuk e di se çka jam për Komshiçin. Këtë e kam dëgjuar gjatë fushatës së tij dhe se duhet të heshti nëse nuk dua që të kem probleme me të. Për një pjesë të mirë të popullit në Serbi unë jam tradhtar, sepse edhe unë duhet të jem dreq dhe terrorist, kështu që të mos jem tradhtar “, përfundoi Vuçiç duke komentuar deklaratën e Hashim Thaçit se më parë do të negocionte me dreqin se sa me Aleksandar Vuçiç duke shtuar se detyra e tij është që të jetë serioz dhe i përgjegjshëm, i përgjegjshëm më shumë se të gjithë në mënyë që të ruhet paqja dhe stabiliteti.

Ndryshe,  Hashim Thaçi dhe Aleksandar Vuçiç takohen në mbrëmje në Bruksel në kuadër të bisedimeve për normalizimin e marrëdhënieve midis dy vendeve.