Kosovë, sot fillon fushata gjashtëditore për balotazhin e zgjedhjeve lokale

Sot nis zyrtarisht fushata zgjedhore për raundin e dytë të zgjedhjeve për kryetarë të komunave, e cila do të zgjasë deri në momentin e hapjes së qendrave të votimit, më 9 nëntor, në orën 07:00.

Raundi i dytë i zgjedhjeve për kryetarë të komunave do të zhvillohet në 18 komuna: Gjakovë, Gjilan, Dragash, Kaçanik, Klinë, Fushë Kosovë, Mitrovicë e Jugut, Obiliq, Rahovec, Pejë, Prishtinë, Prizren, Suharekë, Viti, Vushtrri, Junik, Mamushë dhe Kllokot.

Në nivel vendi, Lëvizja Vetëvendosje, LVV, udhëheq me numrin më të madh të garave në balotazh që do të mbahen më 9 nëntor, e pasuar nga LDK, PDK, AAK dhe Lista Serbe.

LVV-ja, garon në 12 komuna në balotazh

LDK-ja, garon në 9 komuna në balotazh

PDK-ja, garon në 6 komuna në balotazh

AAK-ja, garon në 5 komuna në balotazh

Lista Serbe, garon në 1 komunë në balotazh në Kllokot.

Ndryshe, Lëvizja Vetëvendosje, LVV, pa balotazh ka fituar në Kamenicë, Podujevë dhe Shtime, ndërsa PDK në Skenderaj, Ferizaj dhe Han të Elezit. Pa balotazh, LDK ka fituar në Istog dhe Lipjan, ndërsa Aleanca për Ardhmërinë e Kosovës në Deçan.

Gara është mbyllur që më 12 tetor edhe për Ramiz Lladrovcin në Drenas, si dhe për Nismën në Malishevë. Lista Serbe i ka fituar pa balotazh nëntë komuna me shumicë serbe.