KPA konfirmon në detyrë drejtuesen e Prokurorisë së Durrësit
Kolegji i Posaçëm i Apelimit, KPA, konfirmoi sot në detyrë drejtuesen e Prokurorisë së Rrethit Gjyqësor Durrës, Anita Jella.
Prokurorja Anita Jella u konfirmua në detyrë në dhjetor të vitit 2019, por vëzhguesit e Operacionit Ndërkombëtar të Monitorimit, ONM, i kërkuan Komisionerit Publik që të apelojë çështjen me arsyetimin se ajo duhej të shkarkohej për mangësi në deklarimin e pasurisë dhe probleme të profesionalizmit.
Ndryshe, trupa gjykuese e KPA u kryesua nga gjyqtarja Ina Rama, relatore Natasha Mulaj dhe anëtarë Albana Shtylla, Rezarta Schuetz dhe Sokol Çomo.
