KPK, konfirmohet në detyrë gjyqtari Artur Malaj

Komisioni i Pavarur i Kualifikimit ka konfirmuar sot në detyrë gjytarin e Gjykatës Administrative të Apelit në Tiranë, Artur Malaj.

“Trupi gjykues pasi dëgjoi zotin Malaj, e konsideron të përfunduar seancën dëgjimore. Në përfundim të këtij procesi të rivlerësimit trupi gjykues, vendosi konfirmimin në detyrë të zotit Artur Malaj”, tha relatorja Genta Tafa Bungo.

Në seancën dëgjimore, Komisioni i Pavarur i Kualifikimit doli kundër DSIK për Malaj.

DSIK e konsideronte Artur Malaj të papërshtatshëm për të vijuar ushtrimin e detyrës pasi ishin zbuluar lidhje të tij me elemente kriminalë.

Ndryshe, gjytari i Gjykatës Administrative të Apelit në Tiranë, Artur Malaj ka kandiduar për postin e Inspektorit të lartë të Drejtësisë.