KPK, konfirmohet prokurorja e Tiranës, Afërdita Ndoi
Komisioni i Pavarur i Kualifikimit, KPK, sot ka konfirmuar në detyrë prokuroren pranë Prokurorisë së Rrethit Tiranë, Afërdita Ndoi.
Prokurorja pranë Prokurorisë së Rrethit Tiranë, Afërdita Ndoi u përball me Vetingun më 7 tetor për ligjshmërinë e pasurisë dhe kriterin etik dhe profesional. Trupa Gjykuese pasi shqyrtoi provat dhe fakte dhe dëgjoi subjektin e rivlerësimit vendosi konfirmimin në detyrë të prokurores.
Prokuroja Afërdita Ndoi është diplomuar në shkollën e Magjistraturës në vitin 2003. Ajo është emëruar fillimisht në Prokurorinë e Rrethit Gjyqësor Lezhë dhe është transferuar në vitin 2009 në prokurorinë e Rrethit Gjyqësor Tiranë.
