KPK nuk zhgënjen Edi Ramën: “Donika Prela e pastër si loti!”
Komisioni i Pavarur i Kualifikimit, KPK, nuk zhgënjen kryeministrin e Tiranës, Durrësit dhe gjithë Shqipërisë, Edi Rama, dhe konfirmoi në detyrë kreun e Prokurorisë së Krimeve të Rënda, Donika Prela.
A është Donika Prela pjesë e Dosjes 339, e kapur në përgjim me bandën e Avdylajve duke biseduar me kreun e bandës Astrit Avdylaj? Përgjimet e Dosjes 339 janë bërë në kohën kur Donika Prela drejtonte Prokurorinë e Durrësit dhe Astrit Avdylaj u arrestua për armëmbajtje pa leje, por më pas u lirua si i pafajshëm, pyetje këto që iu drejtuan Komisionit të Pavarur të Kualifikimit nga Partia Demokratike si përgjegjëse për të verifikuar Drejtuesen e Prokurorisë së Krimeve të Rënda me idenë se një prokuror i korruptuar dhe me lidhje me krimin e organizuar nuk mund të japë drejtësi. Po ja që PD i gabua, përgjigje nuk dha KPK ndërkohë drejtuesi i seancës, Roland Ilia, sot u shprehë:
“Pas një denoncimi publik të përcjellë përmes mediave për këtë subjekt rivlerësimi trupi gjykues ka njoftuar me datën 28.01.2019 shtyrjen e seancës për zonjën Prela për në datën 05.02.2019 duke konsideruar të nevojshëm verifikimin e këtij denoncimi nëse kishte elementë apo indiciet e duhura për rihapjen e hetimit. Verifikimet u kryen javën që shkoi nga trupa gjykuese dhe vëzhguesit ndërkombëtarë dhe verifikimet çuan në përfundimin se deri tani nuk ekziston asnjë indicie serioze që mund të çonte në hapje të hetimit”.
Dhe ashtu siç ishte paralajmëruar Roland Ilia vetëm sa lexoi arsyetimin:
“Trupi gjykues pasi shqyrtoi të gjithë dokumentacionin e dërguar nga institucionet e vlerësimit, zhvilloi një procedurë të thellë hetimi administrativ për tre kriteret e vlerësimit, dëgjoi subjektin e rivlerësimit në seancën 22 janarit 2019, vlerësoi të gjithë dokumentacionin shpjegues dhe provat e paraqitura nga subjekti i rivlerësimit gjatë përgjigjeve me rezultatet e hetimit si dhe atë të bërë prezent në seancën dëgjimore vendosi konfirmimin në detyrë të subjektit të rivlerësimit Donika Prela.”
Ndryshe, nëse vendimi për Donika Prelën u shty për 8 ditë për të ardhurat e dyshimta të bashkëshortit, pas mbrojtjes me përgjigje politike që i bënë një denoncimi serioz, prokurorët e çështjes “Dosja 339”, ndryshe vartës të Prelës, KPK duhej të paktën të respektonte marrëdhënien me publikun, për të cilin nisi Reforma në Drejtësi.
Sot, përveç vendimit për pastërtinë e kreut të Prokurorisë së Krimeve të Rënda, varrmihësit të Reformës së Drejtësisë, Edi Rama, iu bashkua edhe një trupë e papërgjegjshme gjykimi e KPK, që nuk përfill as reagimet publike kriminale të organit të akuzës që drejtohet nga Donika Prela.
