KPK, prokurori Albert Kuliçi konfirmohet në detyrë

Komisioni i Pavarur i Kualifikimit, KPK, sot ka konfirmuar në detyrë prokurorin e Vlorës, Albert Kuliçi, duke marrë vlerësim pozitiv për pastërtinë e figurës dhe profesionalizmin.

Gjatë seancës dëgjimore, më 7 Tetor, prokurori Kuliçi dha shpjegime për pasurinë, në veçanti për dy shtëpi të babait, një në Tropojë dhe tjetra në një fshat të Durrësit. Komisioni evidentoi në seancë se Kuliçi kishte provuar që shtëpia në Tropojë ishte e pabanuar prej vitesh dhe se në të nuk ishin kryer investime nga prokurori. I njëjti konstatim u mbajt edhe për shtëpinë në Durrës, për të cilën vetë Kuliçi kishte deklaruar investime të kryera dhe që sipas KPK-së, mbuloheshin me të ardhura të ligjshme.

Ndryshe, trupi gjykues që hetoi prokurorin Albert Kuliçi kryesohej nga Valbona Sanxhaktari, me relatore Firdes Shulin dhe anëtar Olsi Komicin.