KPK, shkarkohet kryeprokurori i Vlorës, kandidatja për SPAK “e pastër”
Komisioni i Pavarur i Kualifikimit, KPK, sot vendosi të shkarkoj nga detyra kryeprokurorin e Vlorës, Ardian Ylli, ndërsa u konfirmua në detyrë Prokurorja e prokurorisë së Tiranës, Elida Kaçkini.
Vendimi për Ardian Yllin u mor nga trupa gjykuese e përbërë nga Roland Delia kryesues, Olsi Komici relator dhe Vlabona Sanxhaktari anëtare.
Ndërkohë pas analizimit të fakteve dhe provave për ligjshmërinë e pasurisë dhe kriterin etik e profesional, KPK konfirmoi sot në detyrë kandidaten për SPAK, prokuroren Elida Kaçkini.
Seanca dëgjimore ndaj saj u mbajt me 16 korrik. Trupa Gjykuese përbëhej nga Valbona Sanxhaktari, Xhensila Pine dhe Etleda Çiftja.
Në fjalën e saj, Sanxhaktari tha se trupa gjykuese vendosi konfirmimin në detyrë të prokurores Elida Kaçkini.
“Vendimi i arsyetuar me shkrim i njoftohet subjektit të rivlerësimit, Komisionerit Publik dhe dhe Vëzhguesit Ndërkombëtar dhe publikohet në faqen zyrtare të KPK,” tha Sanxhaktari.
