KPK, shkarkohet kryetari i Gjykatë së Apelit
Komisioni i Pavarur i Kualifikimit, KPK, ka shkarkuar nga detyra kryetarin e Gjykatës së Apelit Civil në Durrës Petrit Çeno.
Nga hetimet e KPK, rezulton se gjyqtari Çeno ka fshehur pasurinë.
Sipas ILDKPKI, Petrit Çeno nuk ka burime të ligjshme, ka kryer fshehje të pasurisë dhe deklarim të rremë.
Në deklaratën e vettingut gjyqtari ka deklaruar një apartament 98 m2 dhe garazh 22m2, automjet me vlerë 18.500 mijë euro, 148 m2 apartament në Kavajë, 3 mijë metra 2 ullishte në Shkallnur dhe një tjetër me sipërfaqe 2775 m2, dy apartamente në Tiranë me sipërfaqe 144 m2 dhe 79m2.
KPK tha se gjyqtari ka mospërputhje me kohën e deklaruar, mospërputhje dokumentacioni për të dyja ullishtet, problem me dokumentacionit që disponojnë institucionet, mospërputhje me vendbanimin pasi bashkëshortja dhe ai figurojnë në adresa të ndryshme.
Ndryshe, Petrit Çeno ishte nën hetim për akuzën e korrupsionit pasiv.
Në vitin 2015, Prokuroria e Krimeve të Rënda kishte nis një procedim penal ndaj Çenos dhe dy gjyqtarëve të tjerë, të cilët u akuzuan se kishin përfituar një udhëtim falas në Madrid nga një biznesmen, palë në një proces gjyqësor, për të parë ndjeshjen mes Real Madrid-Barcelonë.
Në shkurtin e vitit 2018, Prokuroria e Krimeve të Rënda i mori të pandehur tre gjyqtarët, ndërsa Këshilli i Lartë i Drejtësisë i pezulloi nga detyra. Aktualisht, çështja është në pritje të zbardhjes së përgjimeve për t’u dërguar në gjykatë.
