KQZ/Celibashi nuk përfilli deoncimin e PD, SPAK merr të pandehur Qerim Ismailajn
KQZ ,me Komisionerit Shtetëror të Zgjedhjeve nuk përfilli denoncimin e Partisë Demokratike, por pas denoncimit të PD, Prokuroria e Posaçme kundër Korrupsionit dhe Krimit të Organizuar, SPAK, merr të pandehur Kryetarin e Bashkisë Mallakastër Qerim Ismailaj dhe dërgon kërkesën për gjykim në GJKKO.
Qerima Ismailaj u kallëzua më 3 gusht në SPAK nga Partia Demokratike. Ishte Sekretari i Përgjithshëm i PD Gazment Bardhi, i cili me anë të padisë së dorëzuar i kërkonte SPAK të merrte nën hetim Kryetarin e Bashkisë Mallakastër për kryerjen e veprës penale të “Falsifikimi i vulave, i stampave ose i formularëve”, ku parashikohet një dënim deri në 4 vjet burgim.
Në njoftimin e sotëm nga SPAK, thuhet se Prokuroria e Posaçme kundër Korrupsionit dhe Krimit të Organizuar Tiranë, më datë 07.09.2021, ka regjistruar procedimin penal me Nr.236/2021, në ngarkim të shtetasit Qerim Ismailaj, me funksion Kryetar i Bashkisë Mallakastër, si i dyshuar për veprën penale “Falsifikimi i vulave, i stampave ose i formularëve” të parashikuar nga neni 190 i Kodit Penal.
Në kuadër të këtij procedimi penal janë kryer një sërë veprimesh hetimore dhe në përfundim është konkluduar se shtetasi Qerim Ismailaj, ka konsumuar elementët e veprës penale të parashikuar nga neni 190, paragrafi i parë i Kodit Penal, e për rrjedhojë, i është komunikuar akuza, është marrë me cilësinë e të pandehurit dhe janë përfunduar hetimet.
“Sot me datë 01.11.2021 nga Prokuroria e Posaçme është dërguar kërkesa për gjykimin e çështjes pranë Gjykatës së Posaçme të Shkallës së Parë kundër Korrupsionit dhe Krimit të Organizuar Tiranë, në ngarkim të të pandehurit Qerim Ismailaj, me funksion Kryetar i Bashkisë Mallakastër, për kryerjen e veprës penale ‘Falsifikimi i vulave, i stampave ose i formularëve” të parashikuar nga neni 190 paragrafi i parë i Kodit Penal’”, deklaron SPAK.
Ndërsa me 2 Korrik pas denoncimiti të Partisë Demokratike, KQZ me Komisionerin Shtetëror të Zgjedhjeve, Ilirjan Celibashi nuk zbatoi Ligjin e Dekriminalizimit por e interpretoi atë duke rrëzuar kërkesën e PD duke vazhduar mandatin e kryetarit të Bashkisë Mallakastër, Qerim Ismailaj, me arsyetimin se nuk është në kushtet e ndalimit pasi në Shqipëri për të njëjtën vepër penale rrahje, do të kishte marrë maksimalisht gjobë.
Pse Qerim Ismailaj nuk e deklaroi këtë dënim të formës së prerë me 3 vjet burg, kjo nuk kishte rëndësi për Celibashin as dhe fakti që me kaq majftohet Ligji për Dekriminalizimin i cili është trajtuar nga Prokuroria e Përgjithshme.
”Subjekti i verifikimit, ka kryer vepër penale të rrahjes dhe kjo vepër penale është dënuar me gjobë, në këtë rast kushtet e këtij lehtësimi për të cilin unë mendoj që Komisioneri s’mund të bëjë lexim tjetër, duke vlerësuar që po kjo është vepra penale, por kjo s’ka rëndësi. Jemi para faktit që kemi dënim.
Nuk ka kuptim të flasim për dënimin, kur ka kryer veprën penale. Thjesht edhe në mënyrë të plotë jemi para leximit të një vendimi të supozuar të dhënë nga një autoritet juridiksional shqiptar, sipas të cilit ne lexojmë që është dënuar për një kundërvajtje penale dhe për këtë është maksimalisht gjobë.
Për ta bërë dhe më të qartë e bindës, nëse subjekti do të kishte kërkuar, edhe sipas asaj që thotë Prokuroria, të niste procedurën e njohjes së dënimit në Shqipëri. Ky person do të ishte dënuar për veprën penale të rrahjes maksimalisht me gjobë,” tha Celibashi duke përfunduar:
“Nëse janë kushtet e ndalimit dhe ky do të kishte filluar, ky person nuk do të ishte në kushtet e ndalimit. Për ta konfiguruar edhe në mënyrë më të plotë. çfarë do të ndodhte për një moment nëse KQZ do të vendoste sot.
Për ta përfunduar, vendos konstatimin se Qerim Ismailaj, kryetar i Bashkisë së Mallakastrës nuk përfshihet ne këtë, i vazhdon mandati kryebashkiakut Qerim Ismailaj.”
Ndryshe, për Qerim Ismailajn, Komisioneri Shtetëror i Zgjedhjeve, Ilirijan Celibshi, nuk përfilli as vendimin e Prokurorisë dhe u arsyetua se vendimi i tij në Shqipëri trajtohet me gjobë ndërsa SPAK e merr të pandehur dhe e çon për gjykim në GJKKO, dhe mbetet për tu parë deri kur denar bibat, ilirjan celibashët etj. do të kenë guximin dhe do të interpretojnë vendimet e Prokurorisë!
