KQZ e Edi Ramës: PD dhe LSI s’mund të kenë anëtarë në KZAZ!
Komisioni Qendror i Zgjedhjeve ka rrëzuar me 4 votat socialiste, kërkesën e PD dhe LSI-së për të regjistruar në zgjedhjet e 30 Qershorit, anëtarët e saj në 61 KZAZ të Shqipërisë edhe pse ju takon me Ligj.
I vetmi që votoi për kërkesën e PD dhe LSI ishte kryetari i KQZ-së, Klement Zguri.
Sekretari i PD për Çështjet Zgjedhore, Ivi Kaso tha vendimi për refuzimi i kandidaturave u mor me urdhër politik dhe se KQZ nuk kishte asnjë arsye ligjore për refuzimin e tyre ndërsa i pari i Komisionit Qendror të Zgjedhjeve, Klement Zguri, e bëri të qart se për këtë vendim PD dhe LSI mund të ankimohen në Kolegjin Zgjedhor.
Ndryshe, në Komisionin Qendror të Zgjedhjeve u zhvillua një debat në mes të Ivi Kasos dhe anëtarit “katering” të KQZ, i cili hynë, jep dorëheqje dhe del nga KQZ, sa herë Edi Rama i çon sms.
Replikat në KQZ
Ivi Kaso: Është një proces zgjedhor i mbushur me paligjshmëri, që në më shumë se gjysmën e bashkive ofron një kandidaturë të vetme. Eksponentë të mazhorancës kanë kërcënuar Komisionin Qendror të Zgjedhjeve që të mos regjistrojë komisionerët tanë. Ju paralajmëroj se nëse nuk udhëhiqeni nga ligji, do të ballafaqohet me forcën e ligjit dhe me përgjegjësi penale në rast të shpërdorimit të detyrës. Ligji është i qartë dhe nuk mund të bëhet objekt debate.
Denar Biba: Na shantazhove. Ishte e rëndë dhe e ulët.
Ivi Kaso: 30 ditë përpara zgjedhjeve kemi të drejtë të plotësojmë vakancat. Duhet të monitorojmë procesin zgjedhor. Ka ankesa e denoncime. KZAZ janë të mbushura me paligjshmëri, me qëllim të qartë të partisë shtet, e cila dhe e vetme në garë shkel afatet e deri tek emërimi i një opozite fasadë. Krijojnë përshtypjen sikur do të ketë zgjedhje. Ky kryeministër nuk garanton dot zgjedhje as kur garon e vetme. Ne po ushtrojmë një të drejtë ligjore.
Eridjan Salianji: I do për të bërë detyrën, apo si vëzhgues?
Ivi Kaso: Kandidaturat tona janë serioze. Me eksperiencë të mëparshme zgjedhore.
Salianji: Procesi zgjedhor ka afate. Që të jesh subjekt zgjedhor duhet të jesh regjistruar.
Ivi Kaso: Komisionerët përcaktohen përpara se partitë të regjistrohen në zgjedhje.
