KQZ e Serbisë, SNS e Vuçiçit: 46.9%! CeSID: SNS 46.3%
Me shumë problematika, procesi zgjedhor në Serbi është drejt mbylljes, ku KQZ në daljen e fundit raporton se vota vazhdojnë të numërohen dhe nga 8.273 qendra të votimit janë numëruar votat në 7.816 qendra, SNS e Presidentit Vuçiç rezulton të jetë në epërsi të thellë me 46.9 për qind.
Ndërkohë sipas Qendrës për zgjedhje të lira dhe demokraci, CeSID, e cila raporton se nga numërimi i 95.3 për qind të votave, SNS është në epërsi me 95.3 për qind të votave ndërsa raportohet dhe për dy mandate të fituara nga lista shqiptare “Beteja politike e Shqiptarëve vazhdon”.
Kështu, sipas Komisionit Qendror të Zgjedhjeve të Serbisë, lista SNS ka marrë 46,9 për qind të votave, lista opozitare Serbia kundër dhunës 23.31 për qind, lista e SPS të Milosheviçit 6.6 për qind, koalicioni NADA 5.01 одсто, e lista me bartës Branimir Nestoroviç 4.67 për qind të votave.
Sa i përket listës së pakicave, pragun e kanë kaluar SVM 1.72 për qind të votave, SPP me 0.78 për qind, SDA Sanxhak 0.61 për qind, Lufta politike e Shqipëtarëve vazhdon 0.38 për qind dhe Partia ruse 0.3 për qind të votave.
Ndërsa sipas Qendrës për zgjedhje të lira dhe demokraci, CeSID, dhe IPSOS me numërimin e 95.5 për qind të votave është ndërtuar dhe një projeksion i parlamentit të ardhshëm të Serbisë, ku më së shumëti vota ka marrë SNS e Presidentit Vuçiç 46.3 për qind me 127 mandate të deputetit, lista “Serbia kundër dhunës” 23.6 për qind me 65 mandate deputeti, lista e SPS 6.6 për qind me 18 mandate, lista me bartës Branimir Nestoroviç 4.8 për qind me 13 mandate, dhe koalicioni NADA me 4.9 pëqind të votave të marra me 13 mandate deputeti.
Pes lista të pakicave gjithashtu ka kaluar pragun: SVM 1.7 për qind me 6 mandate deputeti, lista SPP 0.9 për qind me 3 mandate, SDA Sanxhakut me 0.6 për qind me 2 mandate, lista “Beteja politike e Shqiptarëve vazhdon” 0.5 për qind me 2 mandate dhe Partia ruse 0.3 për qind me 1 mandat.
Ndryshe, Kryetari i Komisionit Qendror të Zgjedhjeve të Serbisë, Vladimir Dimitrijeviç, tha se sot deri në orën 20:00 do të shpallen dhe rezultatet paraprake të zgjedhjeve parlamentare të 17 Dhjetorit ndërsa në faqen zyrtare të KQZ do të vazhdoj publikimi i të dhënave nga numërimi i votave në 457 qendrat e mbetura të votimit.
