KQZ ndan fondet për partitë politike për vitin 2024, ja sa para merr PS dhe PD e Partisë Socialiste

Sot Komisioni Qendror i Zgjedhjeve, KQZ, ka ndarë fondet vjetore për vitin 2024, ku 11 parti politike marrin 345.6 milionë lekë.

Partia që mori më shumë fonde është Partia Socialiste, e cila ka marrë 151.49 mln lekë, pasuar nga PD e Partisë Socialiste e cila mori 106.66 mln lekë.

Kreu i KQZ-së, Ilirian Celibashi bëri me dije se Partia e Lirisë mori 15.57 milionë lekë, PSD 12.26 milionë lekë, PR 11.48 milionë lekë, PDIU 9.75 milionë lekë, LZHK 8.01 milionë lekë, PAA 8.01 milionë lekë, PLL 8.01 milionë lekë, PBDNJ 8.01 milionë lekë dhe Nisma Thurje 6.28 milionë lekë,

Partia Demokratike me Kryetar Sali Berishën edhe në këtë ndarje vjetore arbitrare mbeti pa buxhet ndonëse Gjykata e Lartë ktheu gjykimin në Gjykatën e Apelit dhe vazhdon të jetë në fuqi vendimi i Gjykatës së Shkallës Parë që njeh si drejtues Komisionin e Rithemelimit!

Ndryshe, partitë i marrin paratë kur të depozitojnë raportet financiare për vitin 2023.

Me kërkesën e Koalicionit “Bashkë Fitojmë”, u shty për në seancën e radhës shqyrtimi i rezultatit të verifikimit të Prokurorit të Përgjithshëm për subjektin vetëdeklarues z. Kristian Shkreli, Kryetar Bashkie në Bashkinë Vau-Dejës, Qarku Shkodër, i propozuar nga subjekti zgjedhor “Partia Socialiste e Shqipërisë”.