KQZ nesër shpall rezultatin përfundimtar të 6 Tetorit

Komisioni Qendror i Zgjedhjeve, KQZ, pritet që nesër të procedojë me certifikimin e rezultateve përfundimtare të zgjedhjeve parlamentare të 6 tetorit.

Ndërkohë sonte në Qendrën e Numërimit dhe Rezultateve ka përfunduar numërimi i fletëvotimeve nga diaspora, vota këto të cilat fillimisht nuk ishin proceduar për numërim ne QNR, por sot numërimi i tyre filloi pas vendimit të Gjykatës Supreme.

Nga 1992 vota, sa ishin të vlefshme në 1806 pakot, më së shumti vota kanë shkuar për LVV-në, 1154 vota, e dyta është LDK me 395 vota, PDK ka marrë 276 vota, koalicioni AAK-PSD 79 vota, koalicioni Nisma-AKR-PD ka marrë vetëm 26 vota, raporton KosovaPress.

Pas ankesës së Lëvizjes Vetëvendosje, sot Gjykata Supreme mori vendim për numërimin e këtyre 1806 pakove me fletëvotime nga mërgata.

Tani në QNR është duke vazhduar numërimi i votave për kandidatë.