KQZ nuk pranon dorëheqje për mosbindje demokratike, kandidati i radhës sëmuret!

Bindja Demokratike ngelet edhe pa një kandidat për Kryetar të Bashkisë për zgjedhjet e 30 Qershorit.

Fjala është për kandidatin e Bashkisë Kamëz, Ylber Gjeta, i cili ka paraqitur sot në KQZ, kërkesën për dorëheqje.

Për dallim nga tre kandidatët tjerë për kryetar bashkie, të cilëve iu zbehë bindja demokratike dhe u larguan nga kjo parti, Ylber Gjeta, thotë se shkaqet shëndetësore janë arsyet e largimit, arsye kjo aq pa lidhje sa edhe rastet me tre kandidatët tjerë.

Ndryshe, Ylber Gjeta, bëhet kandidati i katërt pas Salvador Kaçajt në Lezhë, Bledar Sinellës në Kavajë dhe Devi Hebibasit në Skrapar, që kërkojnë tërheqjen nga gara.

Kërkesë KQZ-së:

“Ne detyrim moral ndaj mbeshtetesve te mi te cilet me kane inkurajuar dhe me jane gjendur perhere ne krah ne misionet e mia politike po bej publike aktin e doreheqjes dorezuar sot prane KQZ:

Te nderuar Anetar te KQZ

Të nderuar votues të Bashkisë Kamëz,

Të dashur Miq

Dita e sotme ka qenë një ditë tepër e vështirë për mua dhe familjen time.

Prej disa kohësh kam konstatuar disa shqetësime me shëndetin tim dhe pas konsultimit me disa mjek qe unë i kam miq te mi, sipas keshillave te tyre une duhet te bej nje vizite te detajuar mjeksore jashte vendit.

Në këto kushte e kam të pamundur ta vijoj më tej garën time si Kandidat për Kryetar Bashkie të Kamzës.

Per keto arsye une jap doreheqje te parevokueshme nga kandidimi per Kryetar te Bashkise Kamez.

Deklaroj se ne kete moment mungon vullneti im per te kandiduar si kusht i nevojshem sipas nenit 72 te kodit zgjedhor.

Duke ju falenderuar! Ylber Gjeta”