KQZ shpërndan mandatet për Qarkun Tiranë, Celibashi i jep fund përplasjes Lapaj-Shabani

Komisioneri Shtetëror i Zgjedhjeve, Ilirian Celibashi ka bërë shpërndarjen e mandateve të deputetëve për Qarkun Tiranë, fitues në zgjedhjet e 11 majit.

Sipas listës zyrtare të miratuar nga Ilirian Celibashi, PS ka marrë 19 mandate në Tiranë, Koalicioni “Aleanca për Shqipërinë Madhështore” 13 mandate, Partia Mundësia 2 mandate dhe Lëvizja Bashkë 1 mandat.

Ndërkohë KQZ i ka dhënë fund përplasjes Lapaj-Bashani se kujt i takon mandati i koalicionit “Nisma Shqipëria”, si dhe situatën e re të krijuar në PSD-në e Tom Doshit ku gjithashtu kandidatët në listën e mbyllur kanë dhënë dorëheqje.

Lista e mbyllur e PS

1. Edi Rama

2. Ogerta Manastirliu

3. Elisa Spiropali

4. Lindita Nikolla

5. Taulant Balla

6. Adea Pirdeni

7. Albana Kociu

8. Igli Hasani

9. Delina Ibrahimaj

10. Ilva Gjuzi

11. Iris Luarasi

12. Erjon Malaj

Fitues nga lista e hapur e PS

13. Blendi Gonxhja

14. Erion Braçe

15. Anila Denaj

16. Ervin Hoxha

17. Fatmir Xhafaj

18. Olta Xhaçka

19. Ornaldo Rakipi

Lista e mbyllur e koalicionit “Aleanca për Shqipërinë Madhështore”

1. Sali Berisha

2. Flamur Noka

3. Albana Vokshi

4. Belind Këlliçi

5. Tedi Blushi

6. Jozefina Topalli

7. Fatmir Mediu

8. Edi Paloka

9. Erisa Xhixho

10. Mesila Doda

11. Klevis Balliu

12. Besart Xhaferri

Fituese nga lista e hapur e koalicionit “Aleanca për Shqipërinë Madhështore”

13. Jorida Tabaku

Partia Mundësia

1. Agron Shehaj

2. Erlad Kapri

Partia “Levizja Bashke”

1. Redi Muçi

koalicionit “Nisma Shqipëria Bëhet”, i cili ka shkaktuar përplasje të forta brenda grupimit.

Përfaqësuesja ligjore në KQZ e koalicionit “Nisma Shqipëria Bëhet”, Dorina Prethi, kërkoi njohjen e dorëheqjeve nga gara të kandidatëve të listës së mbyllur duke argumentuar se 12 kandidatët e kësaj liste kishin hequr dorë nga kandidimi dhe kërkoi që Ilirian Celibashi t’ua njohë dorëheqjet, për t’i kaluar mandatin kandidatit më të votuar në Qarkun Tiranë, Adriatik Lapaj.

“Ne do të donim të rezervonim të drejtën për të depozituar një kërkesë me shkrim sa i takon dokumenteve të kandidimit të kandidatit Zeqir Kordhoni. Është konstatuar se firma e tij në dokumentet e kandidimit është e ndryshme, dhe na rezulton se mund të jetë e falsifikuar. Kjo kërkon një investigim të dytë nga ana jonë,” tha Dorina Prethi duke përsëritur fjalët e Adriatik Lapajt i cili në panik denigroi gjithë familjen e Endrit Shabanit për të treguar se sa meritor është për mandatin e tij të fituar. Ndërkohë Shabani me një municion politik pak më të lehtë gjithashtu dëshmoi se sa mashtrues është Lapaj.

Gjithsesi, në fund të mbledhjes, Komisioneri Ilirian Celibashi kërkoi 30 minuta për të marrë vendimin lidhur me mandatin e “Nisma Shqipëria Bëhet” dhe Partisë Socialdemokrate e cila gjithashtu ka dorëzuar në bllok dorëheqjet e kandidatëve të listës së mbyllur, për t’i lënë mandatin kandidatit më të votuar nga votat preferenciale, vendim i cili dëshproi palët e përfshira në konflikt në koalicionin “Nisma Shqipëria Bëhet”, duke e bërë të qartë se sikur do të pranohej dorëheqja e 12 kandidatëve të listës së mbylllur do të binte e gjithë lista e koalicionit.

“Nuk mund të ketë dorëheqje nga lista pasi ajo të jetë miratuar,” ishte i prerë Ilirian Celibashi duke i dhënë fund edhe përplasjes Lapaj-Shabani ndërsa dorëheqja bëhet deri në momentin e shpërndarjes mandatit, dhe aktualisht Kleana Xhuveli e cila ka dhënë dorëheqje nga dorëheqja ashtu si Dajo Zeqiri, plotëson kushtet për marrjen e mandatit, bazuar në renditjen si kandidate e listës së mbyllur, ndryshe vajza e tezës së Lapajt.

Ndërkohë deputet i PSD pas dorëheqjeve të kandidatëve të listës së mbyllur, është Tedi Mula!