KQZ shpërndan mandatet për qarqet Fier, Elbasan dhe Durrës
Komisioni Qendror i Zgjedhjeve. KQZ, shpërndau sot mandatet për qarqet Fier, Elbasan dhe Durrës, të dal nga zgjedhjet parlamentare për Kuvend të datës 11 maj 2025.
Ndërkohë u rrëzua kërkesa e Andia Ullirit, e cila mbeti jashtë Parlamentit
Kështu, sipas Komisionerit Shtetëror të Zgjedhjeve, Ilirian Celibashi, në qarkun Fier, Partia Socialiste e Shqipërisë ka fituar 12 mandate dhe koalicioni Partia Demokratike-Aleanca për Shqipërinë Madhështore 4 mandate.
Në qarkun Elbasan, Partia Socialiste e Shqipërisë ka fituar 10 mandate dhe koalicioni Partia Demokratike-Aleanca për Shqipërinë Madhështore 4 mandate.
Në qarkun Durrës, Partia Socialiste e Shqipërisë ka fituar 8 mandate dhe koalicioni Partia Demokratike-Aleanca për Shqipërinë Madhështore 6 mandate.
Gjithashtu, Komisioneri Shtetëror të Zgjedhjeve caktoi dhe shpalli kandidatët fitues të subjekteve zgjedhore për të tre zonat zgjedhore.
Në qarkun Fier, kandidatët fitues janë:
– Partia Socialiste e Shqipërisë
1. Belinda Balluku
2. Petrit Malaj
3. Kiduina Zaka
4. Erjo Mile
5. Ana Nako
6. Ceno Klosi
7. Klevis Jahaj
8. Antoneta Dhima
9. Asfloral Haxhiu
10. Elton Korreshi
11. Zegjine Çaushi
12. Ramion Kurti
– Koalicioni “Partia Demokratike – Aleanca për Shqipërinë Madhështore”
1. Gazment Bardhi
2. Luan Baçi
3. Brunilda Haxhiu
4. Saimir Korreshi
Në qarkun Elbasan, kandidatët fitues si më poshtë vijon:
– Partia Socialiste e Shqipërisë
1. Arbjan Mazniku
2. Bora Muzhaqi
3. Ermal Elezi
4. Adi Qose
5. Evis Kushi
6. Sara Mila
7. Saimir Hasalla
8. Olsi Komici
9. Aulona Bylykbashi
10. Agron Gaxho
– Koalicioni “Partia Demokratike – Aleanca për Shqipërinë Madhështore”
1. Tomor Alizoti
2. Edmond Haxhinasto
3. Klodiana Çapja
4. Blendi Himçi
Në qarkun Durrës, kandidatët fitues si më poshtë vijon:
– Partia Socialiste e Shqipërisë
1. Klodiana Spahiu
2. Milva Ekonomi
3. Loer Kume
4. Skënder Pashaj
5. Aurora Mara
6. Arkend Balla
7. Ani Dyrmishi
8. Etleva Budini
– Koalicioni “Partia Demokratike – Aleanca për Shqipërinë Madhështore”
1. Oerd Bylykbashi
2. Artan Luku
3. Manjola Luku
4. Gent Strazimiri
5. Igli Cara
6. Arian Ndoja
Pretendimet e Zegjinesë dhe Ullirit
Në qarkun Fier, në radhët e Partisë Socialiste, pavarësisht se Zegjine Çaushi nuk ishte në listë fituese, KQZ i dha mandatin, pasi kandidatja e renditur sipër saj, Maldrita Bardho, kishte dorëzuar dorëheqjen nga marrja e mandatit.
Ndërkohë, në qarkun e Durrësit, KQZ hodhi poshtë kërkesën e kandidates së Partisë Demokratike, Andia Ulliri, e cila pretendonte të hynte në Kuvend si gruaja më e votuar në listën e hapur të këtij qarku. Ajo kërkonte t’i njihej mandati në vend të ish-prokurorit Arjan Ndoja, për shkak se duhej të respektohej kuota gjinore.
Komisioni vendosi t’i japë të vetmin mandat që Partia Demokratike siguroi në listën e hapur në Durrës, pikërisht Arjan Ndojës, duke e konsideruar të pavlefshëm pretendimin e Ullirit për shkak të renditjes në listën e hapur.
