KQZ tallet me shqiptarët, kreu i Kadastrës Lushnjë shpallet fajtor dhe gjobitet 1500 lekë
Të gjithë ata që ishin shqetësuar për mosndëshkimin e protagonistëve të përgjimeve të gazetës gjermane BILD sot duhet të jenë të lumtur pasi KQZ e re konfirmoi se shkelësit edhe kur shpallen fajtor do të marrin gjoba qesharake.
Kështu sot Komisioni Qendror i Zgjedhjeve shpallifajtor për përdorimin e administratës publike në fushatë kreun e Kadastrës së Lushnjës Arben Qalliu, pasi u akuzua se së bashku me deputetin e PS-së, Bujar Çela kanë shpërndarë leje legalizimi ditët e fundit të vitit 2020.
Tallje me shqiptarët edhe mund të konsiderohet por gjoba është me vlerë 1500 lekë, shumë kjo jo në Lushnje poro në asnjë nga kadastrat e Shqipërisë nuk konsiderohet “kafe” as për rifreskim kartoni e lëre më për legalizim.
Ky vendim vjen pas vendimmjarrjes së KQZ me qëllim frenimin e Qeverisë dhe Administratës Publike për mos t’u përdorur gjatë fushatës elektorale të 25 prillit.
Por, kjo është dhe Shqipëria ku Kryeministër është Edi Rama dhe në krye të KQZ, Ilirjan Celibashi, njeriu që rrënoi sistemin zgjedhor më 2001, që nuk ka OSBE e ODIHR ta sjellë në shina as pas 10 vjetësh.
Gjithsesi, KQZ konstatoi sot se Kreu i Kadastrës Arben Qalliu ka shkelur vendimin nr.9 për përdorimin e administratës në fushatë dhe për këtë ka vendosur të gjobisë sme masën 1500 lekë të reja, ose 15 mijë lekë të vjetra.
“Komisioneri shtetëror ka administruar provat e grumbulluara dhe rezulton që shpërndarja e certifikatave është përgjegjësi direkte e drejtorit të Kadastrës. Rezulton që veprimet e kryera nga drejtuesi rajonal janë në kundërshtim me ligjin, ku thuhet që çdo shërbim kadastral kryehut vetëm pas dorëzimit të një kërkese dhe kërkesa është një formular tip që gjendet në sportelet e shërbimit online.
Neni 91 i Kodit Zgjedhor përcakton se nuk mund të përdoren ose të vihen në shërbim të kandidatëve burime të organeve apo enteve publike. Drejtuesi rajonal i Kadastrës Lushnje nuk paraqiti asnjë prove që shpërndaja e lejeve të legalizimit ishte bërë sipas ligjit. Po ashtu rezulton se veprimet e kryera prej tij dhe stafit të tij kanë kontribuar në kundërshtim me ligjin për Kadastrën, duke u krijuar mundësi subjekteve politike ta kryejnë këtë proces në funksion të interesave të tyre,” tha Celibashi duke llogaritur se eilindasit që e sollën në këtë post do të ngelen të kënqur me këtë vendim të turpshëm .
