Kreu i Komisionit të Politikës Jashtme të Dumës: Trump dhe Putin do të takohen së shpejti!
Përgatitjet për një takim midis presidentit amerikan Donald Trump dhe homologut të tij rus Vladimir Putin janë në një fazë të avancuar, njoftoi sot Agjencia ruse e lajmeve RIA, duke cituar Kryetarin e Komisionit të Politikës së Jashtme të Dumës, Leonid Slutsky, i cili tha se takimi mund të zhvillohet në muajin shkurt ose mars.
Të dy presidentët thanë se ishin të interesuar për një takim ku temat e diskutimit do të përfshinin kontrollin e armëve bërthamore, çmimet globale të energjisë dhe synimin e Trump për t’i dhënë fund luftës në Ukrainë.
Leonid Slutsky tha se pret të diskutohet gjithashtu situata në Lindjen e Mesme. Puna kërkon përgatitje serioze, e cila aktualisht, pa zbuluar asnjë sekret, është në një fazë të avancuar, tha ai, por nuk pranoi të flas për datën e saktë të takimit.
“Shkurt ose mars, të mos hamendësojmë, por t’u japim liderëve mundësinë që të përgatiten për këtë takim me kompetencë dhe në mënyrë gjithëpërfshirëse, pra, do të zhvillohet së shpejti,” citon RIA, Kryetarin e Komisionit të Politikës së Jashtme të Dumës, Leonid Slutsky.
