Kreu i SHISH fillon punë, Edi Rama realizon denigrimin e radhës së kosovarëve
Për denigrimin e kosovarëve, Kryeministri Edi Rama nuk kursen as institucionin më të rëndësishëm të sigurisë, SHISH, ku emëroi kreun e shkarkuar të AKI nga Kryeministri i Kosovës, Albin Kurti!
Pavarësisht se nuk njihet asnjë akt ose ndihmë që Edi Rama ose shteti shqiptar propozoi ose ofroi për AKI në kohën kur Vlora Hyseni drejtonte Agjensinë Kosovare të Inteligjencës, sot e shohim Kryeministrin e Shqipërisë duke folur me pomopozitet për një njeri nga Kosova sikur piku nga qielli!
Ndonëse pas propozimit te Presidenti i Republikës u mendua se takimi me Albin Kurtin kishte sqaruar faktet se pse Vlora Hyseni ishte shkarkuar dhe ajo nuk po dekretohej në detyrë, dje Presidenti e dekretoi dhe Edi Rama vazhdoi cirkun me protagonistë, kosovarët!
Sot mëngjesin e nisi me specialitetin e tij jetësor, denigrimin e kosovarëve:
“Sapo mbaruam prezantimin në institucion të drejtores së re të Shërbimit Informativ të Shtetit, Vlora Hyseni, e cila u dekretua dje nga Presidenti i Republikës. Urime!” thekson Kryeministri Edi Rama përmes rrjetit social Facebook pasi kishte prezantuar Vlora Hysenin në Shërbimin Informativ të Shtetit.
Ky emërim në krye të Shërbimit Informativ të Shtetit nga Edi Rama po interpretohet në mënyra të ndryshme, meqë bëhet fjalë për institucionin më të rëndësishëm të sigurisë dhe një person i cili ishte shkarkuar nga institucioni homolog i Kosovës, por historia na mëson se nuk kemi të bëjmë asgjë personale me mikun e tij Albin Kurti, por me “fajin e tij” që është kosovar!
Kryeministri Edi Rama e kishte mik Hashim Thaçin por jo kur ai ishte Kryeministër i Kosovës! Kështu ndodhi dhe me Isa Mustafën e Ramush Haradinajn, të cilin madje e paditi edhe për shpifje dhe sërish e bëri mik kur ai u shkarkua nga posti i Kryeministrit!
Kështu ndodhi dhe me mikun e tij Albin Kurti! Kryeministri Edi Rama propozoi një njeri në krye të Shërbimit Informativ të Shtetit i cili ishte shkarkuar nga kreu i Agjensisë Kosovare të Inteligjencës me vendim të Presidentes së Kosovës, Vjosa Osmani, dhe propozim të Kryeministrit Albin Kurti, me një arsyetim shqetësues jo vetëm për shtetin shqiptar!
“Vendimi për shkarkim e obligon znj. Vlora Hyseni të bëjë dorëzimin e të gjitha mjeteve dhe materialeve me të cilat ka qenë e ngarkuar. Gjithashtu, znj. Vlora Hyseni, sipas vendimit, obligohet që të ruajë të gjitha informacionet që ka marrë gjatë ushtrimit të detyrës, pavarësisht sesi i është dhënë qasja në to apo si i ka pranuar ato, apo në çfarëdo forme tjetër ka arritur të posedoj informacione të klasifikuara,” thuhej në njoftimin zyrtar nga Presidenca e Kosovës për shkarkimin e zonjës Hyseni nga kreu i AKI-së, por Edi Ramës i mjaftoi fakti që ajo mbulonte marrëdhëniet e Kosovës me Serbinë në AKI, që Edi Rama ta punësoj menjëherë si Këshilltare në Kryeministri, ndërsa sot është e qartë se e ka projektuar për kreun e SHISH!
“Me besimin e plotë se përgatitja e spikatur, eksperienca e krijuar në vite dhe respekti që zonja Hyseni gëzon në komunitetin ndërkombëtar të inteligjencës, përbëjnë një garanci të plotë për reformimin e mëtejshëm të shërbimit inteligjent shqiptar,” thekson Edi Rama në propozimin drejtuar Presidentit të Republikës me superlativa idiote, ashtu siç bënte me dy personat anonim nga Kosova që i emëroi për ministra, Besa Shahini dhe Gent Cakaj, dhe sot nuk i përmend askush si në Tiranë ashtu dhe Prishtinë, ashtu siç nuk i përmendte edhe para se të drejtojnë dy ministri shumë të rëndësishme të shtetit shqiptar!
Kujt do ti shërbejë në Shqipëri, Vlora Hyseni, dhe për çfarë respekti në komunitetin ndërkombëtar të inteligjencës flet Edi Rama kur në emërimin ose shkarkimin e njeriut të parë të AKI, Kryeministri dhe Presidenti i Kosovës konsultohen detyrimisht me NATO dhe Shtetet e Bashkuara!
Bazuar në drejtimin e ministrive të Arsimit dhe të Jashtme, nga Besa Shahini dhe Gent Cakaj, urrjejtjen që Kryeministri Rama e rriti ndër shqiptarët me paaftësinë pa fajin e tyre për drejtimin e dy ministrive shumë të rëndësishme, Vlora Hyseni mund ti shërbejë edhe Serbisë, por kjo do të ndodhë si në përvojat paraprake, Kryesisht për shkak të paaftësisë së tyre dhe perversitetit të Edi Ramës: Denigrimin e kosovarëve!
