Krichbaum gënjeu, Gjykata e Lartë: Ende nuk e kemi shqyrtuar çështjen e PD!
Gjykata e Lartë e ka kthyer për mospajtueshmëri çështjen e PD-së! Ishte ky njeri nga mashtrimet ordinere të deputetit gjerman të CDU, Gunther Krichbaum, që hodhi gjatë vizitës në Tiranë, duke lënë gojëhapur jo vetëm protaganoistët politik të kësaj çështje që i është bërë rekurs, por dhe donatorëve të shkatërrimit të Partisë Demokratike që aq shumë janë investuar dhe ju vjen gjermani i fundit për t’ju dhënë lajmin mbi vendimin e shumëpritur nga Sigurimi i Shtetit!
“Në përgjigje të kërkesës suaj, paraqitur nëpërmjet postës elektronike, ju bëjmë me dije se çështja për të cilën ju interesoheni është regjistruar pranë Gjykatës së Lartë në datë 24.05.2023 me nr 90600-00296-00-2023 akti.
Kjo çështje, për shkak të objektit që ka, “Rekurs (Prishje Rigjykim)” hyn tek çështjet për të cilat gjykata investohet me procedurë të përshpejtuar.
Për këtë arsye, por edhe për shkak të natyrës sensitive që ajo mbart, Kolegji Civil i Gjykatës së Lartë ju bën me dije se ajo do të shqyrtohet shumë shpejt, në Dhomë Këshillimi.
Me datën e shpalles së saj, do të njiheni nëpërmjet njoftimeve publike në faqen zyrtare web të gjykatës,” thuhet në përgjigjen e Gjykatës së Lartë për “Ora News” pasi iku gjermani i fundit dhe i la demokratët duke u përpëlitur shumë më keq se me dilemën e 28 dhe 29 Nëntorit!
Por, çfarë tha në fakt gjermani i fundit që vizitoi Tiranën dhe u takua me miqtë e Presidentit të Serbisë, Aleksandar Vuçiç, Edi Rama dhe bedelin e tij Lulzim Basha!
“Mendoj se ju duhet të jeni më të informuar se mua. Pasi Gjykata e Lartë e ka kthyer për mospajtueshmëri këtë çështje (çështjen e PD-së),” tha deputeti gjerman Gunther Krichbaum para gazetarëve në Tiranë, i cili sot mori përgjigjen nga Gjykata e Lartë ndërsa për mashtrimin mbi imunitetin e deputetit e mori në çast nga kolegët e turpëruar të CDU për mashtrimet ordinere të Krichbaum.
