Krijon KÇK-në dhe, Lleshaj: Situata është në ditët më të mira historike!
Ministri i Brendshëm, Sandër Lleshaj, dje nga reparti RENEA ku është trajnuar Njësiti OFL tha se krimi i organizuar ekziston për të fituar para ndërsa arsyetoi dhe miratimin e paketës kundër krimit të organizuar të njohur si Paketa “Anti-KÇK”, sot në interpelancë para Parlamentit duke iu përgjigjur akuzave për rendin e sigurinë tha:
“Situata është në ditët më të mira historike por është ende larg së qeni ajo që duam. Situata s’është ajo që duam por më e mira historikisht, nuk është rënduar, ju sfidoj të ofroni shifra e jo konkluzione në ajër,” tha i paqartë ministri Lleshaj kur sfidën më të madhe ka kërkesën e Qeverisë për miratimin e Aktit normativ “Anti-KÇK” për të cilin dje në ceremoninë e prezantimit të Njësisë OFL tha se krimi i organizuar ekziston për të fituar para dhe fitorja ndaj tij nuk mund të jetë vetëm dënimi penal, për sa kohë pasuritë e nxjerra prej tij, mbeten të paprekura. Shkatërrimi i këtij modeli është tashmë nevojë e dorës së parë dhe miratimi i paketës kundër krimit të organizuar të njohur si Paketa Anti-KÇK nga Qeveria shqiptare me 31 janar 2020, shënon fillimin e një përshkallëzimi të panjohur më parë në vend.
Foli dhe për biografinë dhe pse është krenar që është rritur në diktaturë:
“Për biografinë time konstatuar dicka që ska nevojë, unë jam lindur e rritur në diktaturë edhe pse ju dukeni të lindur pas saj, është dicka që s’është përcaktuar nga unë, ashtu sikurse është përcaktuar për shumë prej jush.
Profesioni im, meqë bëtë aludime për profesionin tim të mëparshëm, dua tju them se profesioni i ushtarakut është ndër më të nderuarit në këtë botë për ata që kanë respekt në këtë botë për shtetin. Janë njerëzit që sakrifikojnë lirinë e jetën e tyre në shërbim të vendit. Nëse ka një gjë për të cilën jam krenar e kam sakrifikuar lirinë e një pjesë të rinisë sime për vendin tim”.
Ministri Lleshaj u ndal edhe tek çështja e ekstradimit të shtetasit turk Harun Çelik:
“Vendimi për dëbimin e të huajve s’merret nga ministri i Brendshëm, vendimet e dëbimit janë administrative që merren nga institucionet përkatëse. Në rastin konkret përgjegjës janë drejtoritë vendore të policisë së kufirit e migracionit.
Çdo vit nga Shqipëria dëbohen jo 1, 2, 5, por mijëra qytetarë të huaj që ndodhen në kushte të parregullta ligjore. Ka dy rrugë për dëbimin, ose largim vullnetar ose i detyruar.
Me detyrim janë larguar 45 qytetarë të huaj. Ka me mijëra qytetarë shqiptarë që dëbohen nga vendet e BE drejt Shqipërisë për të njëjtat arsye. 9934 qytetarë janë dëbuar nga BE në 2018. por juve ju ka kapur vemendje vetem nje qytetar turl , feleminderit se edhe shtetasit turq duhet ta meritojnë vëmendjen tone, por më mirë të ezauroheshin hapa të tjere ligjore se kemi të bëjmë me një proces administrativ, të kishit kërkuar një hetim administrativ, para se të kërkonit që cështja të marrë dimension politik në Kuvend. Ose nëse kemi pasur shkelje penale mund të inicionit hetim penal.
Harun Celik është ndaluar në Shqipëri në dt 8,s’ka qenë rezident në Shqipëri asnjëherë, nuk ka kerkuar azil, ky shtetas i gjetur në kushtet e shkeljes së ligjit është dënuar nga gjykata e Tiranës në 19. 12.19, kur është deklaruar fajtor për falsifikikm të dokumenteve me 13 muaj burgim. Madje kishim informacione se ka të dhëna se do përdorë territorin e Shqiperise për të kaluar në vende të treta, pra ka hyrë ilegalisht dhe ka të dhëna se do e përdorë këtë territor për kalimin në vende të treta,” tha Ministri i Brendshëm, Sandër Lleshaj, duke i konsideruar këto përgjigje ndonëse nuk dallojnë shumë edhe sikur të kishte heshtë. Për kaq gjë, shqiptarët e kishin të qartë se çfarë do të thotë ministri i Brendshëm në interpelancë.
