Krime lufte/ “Gjakova 98’99“, 102 kallëzime penale për serbët

Shoqata për Krimet e Luftës “Gjakova 98’99“, ka dorëzuar sot 102 kallëzime penale të bëra nga qytetarët e Gjakovës ndaj serbëve të dyshuar për krime lufte, ku u tha se bëhet fjalë prej vrasjeve deri te shkatërrimi i pasurisë.

Dorëzimi i padive dhe dokumenteve u bë në Departamentin e krimeve të luftës të Policisë së Kosovës.

Udhëheqësja e grupit të shoqërisë civile në Gjakovë, Shkëndije Hoda, pasi dorëzoi kallëzimet penale, tha se ky është kontingjenti i trembëdhjetë që sjellin të kallëzimeve penale , në të cilin janë përfshirë 102 lënë për krime në komunën e Gjakovës

Ky është bashkëpunimi i parë me Policinë e Kosovës, ku po iu ofrojnë dëshmi rreth krimit, tha Shkëndije Hoda duke dhënë detaje edhe rreth kallëzimeve penale që kanë dorëzuar.

Në fund ajo tha se procesi ka qenë i vonshëm por po shpejtohet më tepër se sa që kanë menduar.

Ndryshe, Gjakova është një nga komunat që ka pësuar më së shumti dëme gjatë periudhës së luftës së fundit në Kosovë, ku u vranë mbi 1200 persona ndërkohë Fondi për të Drejtën Humanitare Kosovë, thekson se komuna e Gjakovës ka numrin më të madh të personave të pagjetur.