Krimenë e dha Obama, Kosovën e dha Clinton! Por…

nga Agim Popoci

Takimi i fundit në Shtëpinë e Bardhë ka ngjallur shpresat ndër shqiptarë pasi Presidenti amerikan e quajti punë të kryer “Krimea i takon Rusisë” për faktin se atë e kishte dhënë Presidenti Obama, duke bërë paralelizmin se “Kosovën e dha Clinton”!

Ky entuziazëm u shtua edhe më shumë pasi u pa skenografia e takimit të Presidentit të Shteteve të Bashkuara, Donald Trump, me Presidentin e Ukrainës, Volodymyr Zelenskyy, në Shtëpinë e Bardhë!

Por, përkundër këtyre kurimeve të dukshme që bëri Presidenti Trump, është një detaj shumë i rëndësishëm që bënë dallimin dhe nuk është rastësi, zhvillimet e fundit në Serbi!

Donald Trump me siguri se nuk e ka lexuar At Gjergj Fishtën, por që Evropa është kurvë nuk e mësoi në vitin 2020 kur liderët evropianë i minuan firmosjen e Marrëveshjes së Washingtonit në mes të Presidentit të Kosovës, Hashim Thaçi, dhe, Presidentit të Serbisë, Aleksandar Vuçiç, në Shtëpinë e Bardhë!

Shumë shpejtë u kuptua se i besuari i tij, Richard Grenell, ishte pak më shumë se i paaftë dhe akuza e ngritur në Hagë kundër Hashim Thaçit nuk ishte rastësi!

Imazhi i dy liderëve pjesëmarrës që firmosën Marrëveshjen e Washingtonit, Avdullah Hoti dhe Aleksandar Vuçiç, mund të ketë ekzaltuar liderët evropianë në veçanti, Angela Merkel dhe Emmanuel Macron, pa ju vajtur në mendje se ashtu pa zë, duke dëgjuar Presidentin Trump, mund të përfundojnë edhe ata vetë, duke përfshirë këtu dhe tmerrin e Lindjes së Mesme sot, Benjamin Netanyahun, i cili e pranoi shtetin e Kosovës pas telefonatës së Shefit, në sy të Vuçiçit të Merkelit!

Është e qartë se Presidenti i Ukrainës, Volodymyr Zelenskyy, nuk do të përfundonte në Gjykatën Speciale në Hagë, sepse jo ukrainasit por nuk ka asnjë popull i çmendur në botë që bënë gjykatë të dënojë ata që vranë pushtuesit, por, në prag të takimit historik me Presidentin amerikan, Zelenskyy edhe mund të përfundonte në drejtim të paditur ose duke dhënë dorëheqje në Kiev!

Dhe, Presidenti Trump që të ishte brenda skenarit të duhur të takimit të këtij formati të rëndësishëm ftoi edhe vetë liderët evropianë që të jenë prezent me Zelenskyyn kur të kuvendohet dhënia fund e kësaj lufte të pakuptimtë që ka kohë që kaluar 1000 ditët e tmerrit dhe vazhdon të intensifikohet, ndërsa vetë liderët e kësaj Evrope që edhe sot vazhdojnë ta mësojnë Zelenskyyn se si të luftoj, nga ana tjetër marrin gaz dhe naftë ruse sepse ndryshe ju dëmtohet ekonomia e tyre!

Kështu, të hënën e 18 Janarit 2025, imazhi u përsërit, ata që kishin ardhur të dakordësohen me Marrëveshjen qëndronin kokëulur në Zyrën Ovale dhe po dëgjonin Presidentin amerikan Donald Trump. Po, sërish nuk ishte Hashimi Thaçi, por ishin liderët e atyre shteteve që e çuan Presidentin e Kosovës në pranga, dhe, sërish u bë një telefonatë, Presidenti Trump tashmë foli me homologun e tij rus për ti konfirmuar Zelenskyyt me shokë se fjalën përfundimtare, të cilën ata e dëgjuan, Presidenti i Ukrainës do ta thotë kur ta ketë përballë atë që i thotë pushtues, Presidentin e Rusisë, Vladimir Putin!    

Zelenskyy dhe liderët evropianë përfunduan në delir, aq më shumë kur iu premtua Ukrainës dhe garantimi i sigurisë me Nenin 5 të Traktatit të NATO-së, ndërsa kancelari gjerman e pranoi se ishte tejkaluar edhe pritshmëria; Dhe, përderisa nuk u vu në dyshim vendimi i Presidentit Trump se “Krimenë e dha Obama”, shumë edhe nga shqiptarët ranë në delir sepse do pranohej ky fakt kur dihet se “Kosovën e dha Clintoni”!

Por, ndërsa “Krimenë e dha Obama” u bë fakt dhe Putinit nuk i hynë më në punë Serbia si në ditët e para të pushtimit kur deklaronte se ndërhyri në Ukrainë për Krimenë si Amerika në Serbi për Kosovën, në Serbi protestat që po zhvillohen nga Nëntori i vitit të kaluar pësuan ndryshime në radhët e tyre, që do të ndikojnë dhe në rrjedhën e bisedimeve edhe me asin e fortë në dorë që kanë tashmë shqiptarët, “Kosovën e dha Clintoni”!

Derisa në Shtëpinë e Bardhë po zhvillohej takimi historik në Beograd u panë veteranët e luftës që u rreshtuan në krah të protestuesve ndërsa u rrahën nga policia e shtetit të Aleksandar Vuçiçit dhe paramilitarëve të tij, veprim i cili pasoi me përgjigjen nga masa se “askush nuk guxon ti rrah veteranët”!

Në pamje të parë, skena mund të duket normale kur radhët e protestuesve po shtohen deri aty sa po i bashkohen edhe veteranët e luftërave në Ish-Jugosllavi; Por, kjo nuk ka kuptim sepse kemi të bëjmë me veteranë të luftërave që janë zhvilluar nën drejtimin e partisë së Vuçiçit, dhe janë po aq kriminel sa Presidenti i Serbisë, arsye për të cilën po zhvillohen edhe protestat nga 3 Nëntori vitit 2024!

Dhe, në thelb kemi të bëjmë me një skenar që serbët dhe e gjithë bota e kanë parë edhe më parë, kur krimineli serb Slobodan Milosheviç u betua para serbëve se “askush nuk guxon t’ju rrah”, me dallimin se ngjarja u zhvillua në Kosovë! Dhe jo vetëm kaq! Ishte togfjalëshi që shërbeu si shkëndijë për nisjen e shpërbërjes së shtetit dhe fillimin e luftës në Jugosllavi!

Këtu, duhet të përqendrohet edhe e gjithë vëmendje shqiptare, sikur takimi Putin-Zelenskyy të përfundoj pikërisht ashtu siç e ka menduar Presidenti i SHBA, Donald Trump, dhe Presidenti i Ukrainës e firmos Marrëveshjen duke e marrë të mirëqenë se “Krimenë e dha Obama” duke i dhënë fund luftës së përgjakshme, për ta konfirmuar më pas edhe në Parlamentin e Ukrainës!

Por, shtrohet pyetja, si do të pranohet në Serbi realiteti “Kosovën e dha Clintoni”, kur  Presidenti aktual e luftoi me armë në dorë dhe sot ka mazhorancën në  Parlamentin e Serbisë, dhe, sikur edhe të përmbyset gjithçka dhe opozita ta marrë pushtetin, është kjo opozitë që sot është në rrugë dhe është po aq kriminale sa vetë Aleksandar Vuçiç!  

Në rastin më të mirë, pavarësisht se kush është në pushtet, Serbisë mund ti jepet territor nga Republika Srpska, meqë ishte dhuratë për serbët dhe ata janë koshient se “Republikën Srpska e dha Clinton”, dhe të mbyllet njëherë e mirë padrejtësia që iu bë boshnjakëve me Marrëveshjen e Daytonit duke iu dhënë më në fund një shtet që ka territor kompakt!

Ose, në rastin më të keq për, të filloj korrigjimi i kufirit mëhallë më mëhallë në Luginën e Preshevës dhe Veriun e Kosovës, duke u kujdesur që Autostrada Shkup-Nish të ngelet në duart e serbëve, ashtu si dhe përdorimi i përbashkët i Liqenit të Ujmanit nga Kosova dhe Serbia, siç e parashikonte Marrëveshja e Washingtonit  nga viti 2020!