Krimet zgjedhore në Shijak, “Dosja 339” çon në burg 21 komisionerë

Përkundër pritshmërive nga “Dosja 339” pas përgjimeve të publikuara ku implikoheshin zyrtarë të lartë të Partisë Socialiste me një grup të dyshuar për trafik droge, të përfshirë në fushatën elektorale dhe blerje e frikësim votuesish, sot Gjykata e Durrësit dënoi vetëm 21 komisionerët e Shijakut për akuzat e krimeve zgjedhore të ngritura nga prokuroria për zgjedhjet e vitit 2017.

Dhe jo vetëm kaq! Meqë disa prej të pandehurve kanë pranuar fajin ata përfituan uljen me 1/3 e dënimit.

Shpëtim Marku, u dëna 2,6 vjet burg, i mbeten 1.8 vite
Redi Hysa, 2.6 vjet, i mbeten 1.8 vite
Indrit Bici, 2.6 vjet, i mbeten 1.8 vite
Orkida Lala, 1.6 vjet, i mbetet 1 vit
Jakup Bregu, 2.6 vjet, i mbeten 1.8 vite
Qemal Domi dënohet me 3 vite burg, i mbeten 2 vite plus 4 vjet me kusht
Qemal Domi, 1.6 vjet, i mbetet 1 vit
Amarild Zeza, 4 .6 vite burg, i mbeten 3 vjet

Të gjithë të tjerët janë dënuar me 3 vjet heqje lirie dhe iu mbeten 2 vjet nga gjykimi i shkurtuar.

Përveç dënimit me burg gjykata Durrës ka vendosur të dënojë edhe me heqjen e të drejtës së ushtrimit të funksioneve publike për 5 vjet të gjithë ish komisionerëve.

21 komisionerë të përfshirë të partive kryesore dhe më të vogla, PS, PD, LSI dhe PR, 8 janë në arrest shtëpie. 14 prej tyre janë nga opozita (PD, LSI, PR) dhe 7 nga PS. Mësohet se 11 nga komisionerët janë në burg, 8 janë në ‘arrest shtëpie’ dhe 3 po hetohen në masën ‘detyrim paraqitje’. I hetuari i 22-të është një qytetar, që akuzohet se ka votuar në emër të personave të tjerë që kanë qenë në emigrim, jo në Shqipëri.

Sipas SPAK, që udhëhoqi hetimet, në qendrën e votimi në Shetel, ata kanë lejuar me dashje persona të tjerë të cilët janë paraqitur pranë tyre dhe kanë votuar në emër të votuesve të tjerë. Prokuroria e Posaçme thotë se ka provuar se në këtë qendër votimi është votuar për 22 persona të cilët nuk kanë qenë në Shqipëri, ditën e zgjedhjeve.

I njëjti skenar është zbatuar edhe në dy qendrat e votimit në fshatin Rubjek. Në njërën prej tyre është votuar për 7 shtetas që nuk kanë qenë në Shqipëri ndërsa në tjetrën për 23 persona, edhe ata jashtë vendit tonë ditën e zgjedhjeve.

I përfshirë ka qenë edhe shtetasi Armelin Zeka, që ashtu si edhe komisionerët zgjedhor akuzohet për veprën penale të “Votimit më shumë se një herë ose pa u identifikuar.

Komisioni i Qendrës së Votimit nr.1508: Shpëtim Stafa-PD-kryetar, Elidon Stafa-PS-kryetar, Ramiz Tuda-PS, Alfred Marku-PD, Ervis Biba-PD, Emilijan Tuda-LSI, Redi Hysa-PR;

Komisioni i Qendrës së Votimit nr.1335: Bashkim Allushi-PS-kryetar, Jakup Bregu-PD-sekretar, Altin Lala-PS, Kasem Lala-PS, Kujtim Uruçi-PD, Zyhra Lala-LSI, Qemal Domi-PR;

Komisioni i Qendrës së Votimit nr.1336: Basir Bregu-PD-kryetar, Indrit Bici-PS-sekretar, Agim Lala-PS, Qazim Lala-PD, Oriada Lala-LSI, Bujar Sula-PD, Mehdi Lala-PR.