Krimi elektoral vazhdon/ Supermeni kërcënon, Dako: O Lulëzim Basha! Ti duhet t’i harrosh Durrësin, Shijakun dhe Krujën…
Pas deklaratës së kryetarit të Partisë Demokratike, Lulzim Basha se Vangjush Dako është i pari që duhet të merret i pandehur pasi pranoi publikisht se ka bashkëpunuar me bandat gjatë zgjedhjeve të shkuara, Supermeni Kryetar i Bashkisë së Durrësit, Vangjush Dako ndonëse e pranoi mbrëmjen e së enjtes në emisionin “Opinon” se kishte komunikuar me bandën e “Avdylajve” të Shijakut për arsye elektorale sot ai jo vetëm se ndryshoi mendje por përmes rrjetit social Facebook reagon ndaj deklaratës së Bashës duke fyer, madje edhe kërcënon me padi për shpifje dhe zgjedhje të humbura përgjithmonë në Durrës, Shijak dhe Krujë.
“O Lulëzim Basha! Ti duhet t’i harrosh Durrësin, Shijakun dhe Krujën.. Sepse dikur edhe votonin për Saliun e për PD, po për toçin e Saliut votojnë vetëm nostalgjikët e PD dhe aq! Ti duhet ta kuptosh që s’ke vota o Lulëzim dhe s’ta kam fajin as unë, as durrsakët, as shijaksit as krutanët. NUK KE VOTE! Je një peshk rezervati që nuk hahesh dot dhe hidhu përpjetë sa të dush me kaseta me telefonata e me sajesa vemjesh.”
Por Supermeni nuk u mjaftua me kaq! Vazhdoj me fyerje dhe kërcënime:
“TY NUK TE BESON ASKUSH o toçi i Saliut që i hap telefonin vetëm kunatit. Kurse mua më besojnë se ju hap telefonin të gjithëve dhe s’i kam duart as me gjak, as me zhul eurosh si puna jote! Ti vazhdo dil e shpif përditë jo krimi, jo droga, jo leku jo byreku,” thekson Vangjush Dako duke shtuar se ka ardh koha t’i marr edhe ca lekë unë nga thesi që të mban kunati ty. Por pendohet ashtu siç u pendua nga emisioni Opinion deri me sot, dhe përfundon:
“Do shihemi në gjyq bashkë ose në fakt jo, se ti merr raport mjekësor kur të thërret gjykata. Toç!”
Ndryshe, kryetari i PD, Lulzim Basha më herët deklaroi se tashmë është e qartë për këdo se Edi Rama ka patur një plan të mirëmenduar e të shtrirë anembanë vendit, për bashkëpunim me krimin për të vjedhur zgjedhjet.
“Duhet urgjentisht një hetim i posaçëm dhe i pavarur për këtë operacion kriminal. Vangjush Dako është i pari që duhet të merret i pandehur. Lënia e tij i lirë edhe pasi pranoi mbrëmë publikisht bashkëpunimin me bandat për të dhunuar zgjedhjet, është shkatërrim i demokracisë dhe vdekje e” drejtësisë
Ja postimi i plotë:
O Lulëzim Basha! Ti duhet t’i harrosh Durrësin, Shijakun dhe Krujën.. Sepse dikur edhe votonin për Saliun e për PD, po për toçin e Saliut votojnë vetëm nostalgjikët e PD dhe aq! Ti duhet ta kuptosh që s’ke vota o Lulëzim dhe s’ta kam fajin as unë, as durrsakët, as shijaksit as krutanët. NUK KE VOTE! Je një peshk rezervati që nuk hahesh dot dhe hidhu përpjetë sa të dush me kaseta me telefonata e me sajesa vemjesh.. TY NUK TE BESON ASKUSH o toçi i Saliut që i hap telefonin vetëm kunatit. Kurse mua më besojnë se ju hap telefonin të gjithëve dhe s’i kam duart as me gjak, as me zhul eurosh si puna jote! Ti vazhdo dil e shpif përditë jo krimi, jo droga, jo leku jo byreku, se ka ardh koha t’i marr edhe ca lekë unë nga thesi që të mban kunati ty. Do shihemi në gjyq bashkë ose në fakt jo, se ti merr raport mjekësor kur të thërret gjykata. Toç!
