Krimi futi në parlament 28 deputetë, Berisha denoncon me emra: Katër prej tyre morën 80 mijë vota! 

Ndërsa denoncoi me emra sot autorët e krimit elektoral të 11 Majit 20025 duke konstatuar se krimi futi në parlament 28 deputetë, ku vetëm katër prej tyre morën 80 mijë vota, Kryetari i Partisë Sali Berisha tha sot se PD do kërkojë qeveri teknike, me një axhendë të përcaktuar, problemet që zgjidhen direkt me integrimin dhe zgjedhjet e lira

Forumet do vendosin për gjithçka, por kjo është një farsë e damkosur ndërkombëtarisht para se të zhvillohej, tha Kryetari i Partisë Demokratike duke e bërë të qartë se misioni i tijë mbaron ditën kur shqiptarët do të votojnë të lirë.

“11 Maji, do ndalem vetëm në një aspekt. Në aspektin me të cilin fillova. Ky shtet është ndërmarrje e përbashkët me krimin e organizuar. Krahas patronazhistëve, krahas blerjes publike të votave, bota e krimit në këto zgjedhje ishte më zyrtare se kurrë. Ishte zyrtare!
Ajo veproi në ombrellën e prokurorisë dhe politikës, Edi Ramës, me të gjithë mjetet e veta.
Bandat në qytetet e mëdha të vendit, por jo vetëm ato, arritën të fusin në parlament, të punojnë për 28 deputetë.
Para jush, në fushatë, unë kam denoncuar bashkërendimin e bandave të Durrësit dhe Elbasanit, darkat e shpeshta tek një lokal në Shkëmbin e Kavajës, në mos gabohem diçka me kuajt ka ky lokal, ku darkonin së bashku Ergys Agasi, Elvis Doçi, Suel Çela, Vangjush Dako.
Tani, pas këtij denoncimi, ata u transferuan nga lokali Kodra e Kuajve, tek shtëpia e Dakos në Bllok.
Aty janë organizuar të gjitha takimet. Këto janë të gjitha të denoncuara.
Tani, të pyesim pak shqiptarët, të kujt janë votat? Vetëm tre nga këta kandidatë ose katër nga këta kandidatë, kanë 80 mijë vota të regjistruara. Kampion është natyrisht Sara Mile. Kampion është Arkend Balla. Kampion është Ani Dyrmishi. Kampion është Blendi Xhabafti. Këta të katër së bashku bëjnë rreth 80 mijë vota dhe këta janë vetëm pararoja e kontingjentit të krimit të 28 deputetëve që bandat morën urdhër nga Edi Rama për t’i mbështetur.
Avoketërve të farsës elektorale të narkoqeverisë u them se duke mbrojtur farsën, kryeni një krim të shëmtuar kundër lirive më themelore të qytetarëve shqiptarë. Dhe dëshmoheni më mercenarë se çdo lloj mercenari tjetër.
Shtroj edhe njëherë pyetjen, të kujt janë 80 mijë vota të deputetëve të partisë së krimit? Të kujt janë?
Një lidhje e plotë dhe totale me pushtetin,” tha Sali Berisha duke i dhënë fund i gjithë spekulimeve mediatike të Edi Ramës për dorëheqjen e Kryetarit të PD e bëri të qartë se misioni i tij mbaron ditën kur shqiptarët të votojnë të lirë.

“Po të marrësh të gjithë betejën time, unë e kam bërë për votën e shqiptarëve. Unë betejën në PD e bëra që të votojnë demokratët dhe jo t’ua kontrollojë kush kryetarin. Absolutisht. Kjo ishte gjithë beteja ime.
Unë betejën për shqiptarët po e bëj që ata të votojnë të lirë, të kenë zgjedhje të drejta. Është betejë e vështirë, por çfarë është arritur?
Në rrafshin ndërkombëtar, të arrish të dënosh procesin zgjedhor, ta shpallësh farsë pa u zhvilluar, është arritje. Në dëshpërim, por është arritje e madhe. Këto zgjedhjet, të gjitha partitë simotra tona, i quajtën farsë 10 ditë para se të zhvillohen.

Misioni im mbaron ditën kur shqiptarët të votojnë të lirë.
Kjo është një betejë që mbyllet me sukses ditën kur shqiptarët të votojnë të lirë.
Por me këtë narkoshtet, shqiptarët kurrë, pa u çliruar prej tij, nuk do mund të votojnë të lirë. Dhe në fakt beteja e madhe, lufta e madhe fiton pas kësaj farse. Nuk duhet të flasim për zgjedhje më, duhet të flasim për farsë elektorale.
A do pranojnë shqiptarët që farsa të përcaktojë fatin e tyre? Jo, nuk e pranojnë. Ndaj dhe unë dhe opozita është e vendosur ta bëjë këtë luftë. Tani janë gjërat evidente. U nis me vonesë, por kjo duhej të ishte nisur me datën 26 prill 2021. Edhe atëherë vota vdiq pa hyrë në kuti.

Se ai vetëm në Durrës, Tiranë, Lezhë, Kurbin ndau 130 milionë euro me fatura thesari. Ai tha vetë, Kodi Elektoral është kinezëri. Pra, kur nuk ka ligj, ka farsë. Besoj se për çdo njeri me interes publik, kjo do të jetë një thirrje e madhe në ndërgjegjen e tij për rrezikun e jashtëzakonshëm që paraqet farsa për të ardhmen e tij dhe të kombit,” tha Kryetari i Partisë Demokratike duke bërë të ditur se të gjitha qarqet po bëjnë bilancet e manipulimeve dhe do i paraqesim publikisht ndërsa përfundoi:

“Nuk kam asnjë lloj frike se deputetët e opozitës nuk do i qëndrojnë opozitarizmit. Pas kësaj farse elektorale ata do jenë dy herë më të motivuar për të denoncuar para shqiptarëve dhe botës të gjithë farsën e shëmtuar elektorale që ndodhi.
Ky është një moment, sepse të gjitha qarqet po bëjnë bilancin e tyre dhe ata do i denoncojnë të gjitha.
E vërteta do vijë në dritën e diellit në këtë sallë me të gjithë dokumentacionet, në të gjitha qarqet.
Por ndërkohë që ata po punojnë, po mbledhin materiale, po ndjekin numërimet, tani ata po përgatisin raportet për qarqet dhe ato do paraqiten publikisht.”

Fjala e plotë:

Rezolutat ndërkombëtare të CDI, IDU, PPE kanë denoncuar publikisht dhe me germa të mëdha shtetin e Edi Ramës si një sipërmarrje e përbashkët me krimin e organizuar.

Kjo është e vërteta e pamohueshme.

Pasi ato janë njohur me qindra e qindra fakte të pakundërshtueshme, kanë konkluduar se shteti aktual shqiptar është një sipërmarrje e përbashkët me krimin e organizuar.

Kjo është arsyeja ndër më kryesoret se pse komuniteti ndërkombëtar i qendrës së djathtë i dënoi me dënim kapital me datën 30 prill 2025, zgjedhjet që do zhvilloheshin 10 ditë më vonë në Shqipëri.

Cilido që lexon rezolutën e Valencias, të censuruar në mënyrën më totale, pothuaj, nga mediat e qeverisë për shqiptarët, konstaton se ajo rezolutë i thotë opinionit publik ndërkombëtar dhe shqiptarëve se në Shqipëri nuk do ketë zgjedhje por farsë elektorale.

Kjo është e vërteta absolute.

Si për asnjë zgjedhje të tjera, unë nuk di në memorien e kohërave, që një zgjedhje të dënohet 10 ditë para zhvillimit.

E them këtë sepse komuniteti ndërkombëtar kurrë nuk udhëhiqet nga paragjykimi.

Ose thotë, kur nuk ka siguri, thotë ka dyshime.

Por këtu nuk thotë se ka dyshime, ka deklaruar se Edi Rama po blen vota me lekë.

Se ka parë vendimin për dhënien e 100 eurove për pensionistët.

Ka deklaruar se po blen vota me kanabis sepse ka parë vendimin e dhënies së 138 licencave.

Nuk ka deklaruar se do falë gjoba, se ky vendim ishte i dy ditëve të fundit.

Pra, kemi të bëjmë një vdekje të paralajmëruar të procesit zgjedhor dhe zhvillimin e paralajmëruar të një farse të plotë zgjedhore siç zhvillohet në të gjitha regjimet narkodiktatoriale.

11 Maji, do ndalem vetëm në një aspekt.

Në aspektin me të cilin fillova.

Ky shtet është ndërmarrje e përbashkët me krimin e organizuar.

Krahas patronazhistëve, krahas blerjes publike të votave, bota e krimit në këto zgjedhje ishte më zyrtare se kurrë.

Ishte zyrtare!

Ajo veproi në ombrellën e prokurorisë dhe politikës, Edi Ramës, me të gjithë mjetet e veta.

Bandat në qytetet e mëdha të vendit, por jo vetëm ato, arritën të fusin në parlament, të punojnë për 28 deputetë.

Para jush, në fushatë, unë kam denoncuar bashkërendimin e bandave të Durrësit dhe Elbasanit, darkat e shpeshta tek një lokal në Shkëmbin e Kavajës, në mos gabohem diçka me kuajt ka ky lokal, ku darkonin së bashku Ergys Agasi, Elvis Doçi, Suel Çela, Vangjush Dako.

Tani, pas këtij denoncimi, ata u transferuan nga lokali Kodra e Kuajve, tek shtëpia e Dakos në Bllok.

Aty janë organizuar të gjitha takimet.

Këto janë të gjitha të denoncuara.

Tani, të pyesim pak shqiptarët, të kujt janë votat?

Vetëm tre nga këta kandidatë ose katër nga këta kandidatë, kanë 80 mijë vota të regjistruara.

Kampion është natyrisht Sara Mile.

Kampion është Arkend Balla.

Kampion është Ani Dyrmishi.

Kampion është Blendi Xhabafti.

Këta të katër së bashku bëjnë rreth 80 mijë vota dhe këta janë vetëm pararoja e kontingjentit të krimit të 28 deputetëve që bandat morën urdhër nga Edi Rama për t’i mbështetur.

Avoketërve të farsës elektorale të narkoqeverisë u them se duke mbrojtur farsën, kryeni një krim të shëmtuar kundër lirive më themelore të qytetarëve shqiptarë.

Dhe dëshmoheni më mercenarë se çdo lloj mercenari tjetër.

Shtroj edhe njëherë pyetjen, të kujt janë 80 mijë vota të deputetëve të partisë së krimit?

Të kujt janë?

Një lidhje e plotë dhe totale me pushtetin.

Ju e morët vesh që Elvis Doçi apo Poja në një hark kohor të shkurtër, leje për ndërtimin e dy hoteleve, një në Durrës dhe tjetrin diku te Shkëmbi i Kavajës. Me dy sipërmarrje të vetat.

Por Altin Doçi, Altin Poja nuk i sekuestron sipërmarrjen e Rock of Kavaja.

Pasi e mbrojti kundrejt shumave, etj, etj, nga shkurti që erdhi urdhri i arrestit nga Italia, pasi e njoftuan ik se tani nuk kemi ç’bëjmë më tutje, dhe ai jeton i qetë në vilën e Gjushit, aty thonë është, por mund të jetë edhe në Surrel, nuk e ka problem fare se ai ka qenë një i ftuar frekuent i Ramës në gostira bashkë me Agasin dhe këta të tjerët.

Se thonë se edhe Surreli është përdorur për takime bandash mes Olsit, Suel Çelës etj, po këto janë thënie, duhen dokumentuar, po ua them siç m’i kanë transmetuar.

Pra, a mund të njihen të kujt janë 80 mijë vota të 4 deputetëve?

Kurrë këto zgjedhje nuk mund të njihen dhe nuk do njihen.

Këto janë zgjedhjet e krimit.

Këto janë farsa më e shëmtuar elektorale që ka ndodhur ndonjëherë.

E gjitha kjo kupolë që drejtoi këtë farsë, udhëhiqet direkt nga Edi Rama, i cili i ka dhënë Pojës me qira kundrejt një tarife, Portin e Durrësit.

Ka tre vjet që aty nuk kapet një gram kokainë.

Ndalohet kapja e kokainës sepse është mall për kryeministrin.

Dhe nuk janë vetëm këto dy banda, por këto janë… se në Fier, Zeqineja në majë të thanës, Arben Qimja kishte detyrë t’i siguronte vota.

Me radhë e me radhë, do ia shohim edhe asaj rekordet.

Dhe ky është njëri dimension i shëmtuar i farsës elektorale.

Po si Arben Qimja, si Olsi Rama, si Ulsiu, si Blendi Xhabafti, si Sara Mile apo Suel Çela, janë një seri të tjerësh.

Këto ishin zgjedhjet.

Por një gjë u them shqiptarëve, sado dëshpëruese që është kjo farsë, kjo dallon sepse kjo farsë është e vetmja në histori që është dënuar përpara se të zhvillohet.

Për të gjithë ata të cilët i thonë të vërtetës të vërtetë dhe lexojnë rezolutën e Valencias, gjejnë se komuniteti ndërkombëtar i qendrës së djathtë në Europë e denoncoi këtë farsë para se të zhvillohej.

Pra beteja kundër kësaj farse vazhdon me të gjithë forcën dhe përpjekjen.

Por në këtë rast kemi të bëjmë me një fushatë tashmë të dënuar para se të mbyllet.

E merrni vesh ju pse hidhej Zeqineja nga dega në degë?

Del se kishin porosi që Zeqineja duhej të futej në parlament. Ishte Sara Mile e Fierit.

Pra, unë këtu para jush dua t’u them shqiptarëve se kjo farsë është një fatkeqësi e madhe kombëtare.

Por kjo farsë ka vetëm një rrugëdalje, qëndresën e tyre.

Sepse kjo farsë është e dënuar ndërkombëtarisht para se të zhvillohej.

Dhe se për çdo akt qëndrese, shqiptarët kanë mbështetjen e fuqishme të të gjitha forcave politike të qendrës së djathtë që dënuan këtë farsë para se të mbyllej.

Ndaj dhe erdha edhe njëherë këtu të theksoj dimensionin monstruoz të krimit në këto zgjedhje,me fakte, me dokumente.

Këta janë deputetë të krimit që morën së bashku, vetëm këta të katër që citova, 80 mijë vota.

Pa llogaritur të tjerë si Zeqineja.

Ndaj dhe këto zgjedhje nuk mund të njihen.

Rruga e vetme është qeveri teknike dhe zgjedhje të lira.

Ne qëndrojmë për krijimin e një qeverie teknike sepse me Edi Ramën ka vetëm farsë, nuk ka zgjedhje.

Dhe dënojmë me forcën më të madhe presionet e narkozyrtarëve shqiptarë ndaj vëzhguesve ndërkombëtarë.

Igli Hasani, paturpësisht thërret në zyrë vëzhguesit dhe u kërkon llogari për raportin.

A mund të imagjinoni ju? Vëzhguesve ndërkombëtare t’u kërkojë llogari pala që ka krijuar farsën.

E dënoj me forcën më të madhe aktin e tij dhe jo më pak të Edi Ramës dhe kërcënimet e tij.

PYETJE- PËRGJIGJE

Daniela Maloku, Report Tv: Ju sapo deklaruat edhe njëherë tjetër që nuk do t’i njihni zgjedhjet, megjithatë në një dalje publike tuajën, ju keni deklaruar që nuk do të votoni në parlament asnjë ligj, përveç ligjeve për integrimin. Kjo do të thotë se, pavarësisht se ju i njihni zgjedhjet, ju do të jeni në parlament në shtator për të mrrë 50 mandatet tuaja, apo do mendoni një skenar tjetër?

Berisha: Të gjitha do vendosen nga forumet.

Por unë, në presupozimin e pjesëmarrjes në parlament, deklarova që ne do votojmë vetëm ato ligje që kanë të bëjnë me integrimin e Shqipërisë në BE.

Ky ka qenë.

Unë nuk thashë a do marrim apo nuk do marrim.

Unë thashë se në qoftë se do marrim, por unë thashë se në rast se marrim, ne do votojmë vetëm këto.

Se atë nuk e vendos unë, atë e vendosin forumet.

Do ketë diskutime.

Por këto janë farsë elektorale, e damkosur ndërkombëtarisht si e tillë para se të zhvillohet.

E faktuar totalisht nga vëzhguesit ndërkombëtarë në raportin e tyre paraprak.

Pra, ky është realiteti sot.

Anisa Kadesha, Tvsh: Z.Berisha, ju thoni se zgjidhje janë zgjedhjet e reja, përmes një qeverie teknike. Ju nënkuptoni për zgjedhje të parakohshme?

Berisha: Normalisht vetëm zgjedhje të parakohshme.

Pa diskutim.

Qeveri teknike, me një axhendë të përcaktuar, problemet që zgjidhen direkt me integrimin dhe zgjedhjet e lira dhe të ndershme.

Kjo është kërkesa jonë, për të cilën do luftojmë me të gjithë mbështetësit tanë dhe miqtë tanë në Europë dhe në botë.

Osman Stafa, News 24: Z.Berisha, në zgjedhjet e 11 majit, rreth 200 mijë vota shkuan tek partitë e reja, pra duke mos preferuar as PD as PS. A janë këto vota, 200 mijë vota farsë?

Berisha: Kur thua zgjedhjet farsë, ti nuk ke thënë se çdo votë është farsë.

Kur thua zgjedhjet farsë, thua se ky regjim ka përdorur ose ka zbatuar farsën elektorale në vend të zgjedhjeve demokratike.

Dhe që ky regjim ka aplikuar farsën elektorale, nuk është se e them unë këtë gjë, por kjo është e dokumentuar, e ceritifkuar dhe e denoncuar nga 82 parti politike të Europës, të qendrës së djathtë.

Në qoftë se regjimi, shtetin e shndërron në shtet elektoral, në kuptimin që përdor të gjitha burimet financiare të shtetit për të marrë zgjdhjet, siç ndodhi me 76 milionë, 100 euro për çdo pensionist.

Siç ndodhi me 200 milionë të faljes së gjobave.

Siç ndodhi me miliona të tëra që po i llogarisin për tërmetet, se vazhdon historia e tërmeteve.

Siç ndodhi me 500 milionë euro prokurime.

Siç ndodhi me dhjetëra miliona euro të tjera asfaltime dhe zhavarr.

Siç ndodhi me shpalosjen e sistemit të patronazhistëve të përbërë nga zyrtarë, policë, oficerë, gjykatës, prokurorë në mbarë vendin, atëherë gara është vetëm farsë.

Por nuk janë vetëm këto.

Janë bandat, janë vrasësit serialë, dimension tjetër i pamohueshëm i kësaj farse.

Pra, tani në modelin e farsës ka një gjë, modeli i farsës është ky, në këtë model fiton gjithnjë diktatura, nuk fiton kurrë opozita.

Dhe ai që mendon se mund të fitojë farsën, ai beson gënjeshtrën e tij se ka një histori botërore farsa.

Pa thënë pastaj kontrollin e tmerrshëm mediatik.

Ju e keni parë, janë faqe të tëra që i kushtohen kontrollit qeveritar të medias, censurës.

Dhe gjëja më e rëndë e njeriut është autocensura, se mirë censurën ta imponon dikush, po autocensurën që ti nga frika ia imponon vetes tënde, ai është faktori më shkatërrimtar i dinjitetit dhe i psikologjisë së njeriut.

Dhe është konstatuar që gazetarët bëjnë autocensurë. Është e shkruar kjo.

Dhe unë kam respektin më të madh për gazetarët dhe ua kam thënë se ju keni bërë një punë të shkëlqyer, por raporti thotë atë që kemi thënë, por këta e kanë vërtetuar.

Linjat editoriale vijnë nga Fuga, nga Edi Rama.

A ka gjë më të rëndë se të diktojë qeveria linjat editoriale? Njësoj si me Partinë e Punës.

Edi Rama ka kthyer modelin e etërve të tij.

Censurë, manipulime, deformime. Të gjitha këto janë të vërteta.

Sigurisht vota mund të shkojë këtu e atje, por një gjë dua të të them, opozita iu ofroi këtyre forcave që bënin opozitën e opozitës, koalicionin. Ato sigurisht refuzuan.

Tani këto forca, përveç Arlind Qorrit, morën deputetë sa Tom Doshi. Tre deputetë Tom Doshi, tre deputetë.

Kjo shërbeu për t’i hequr opozitës të paktën 8 deputetë.

Këta shërbyen për ta privuar opozitën nga 8 deputetë.

Po a është ky fundi?

Jo, sepse opozita farsën nuk e fiton.

Atëherë çfarë duhet të bëjmë? Janë 520 mijë shqiptarë që votuan kundër Edi Ramës.

Unë u ftoj të gjithë ju, u ftoj të gjithë gazetarëve, duhet të jemi të vërtetë me njerëzit.

Farsa është farsë dhe kjo farsë është ndërkombëtarisht e dënuar në rezolutën e Valencias.

Por e vërteta është, është bërë shoshë edhe nga raporti i vëzhguesve të komunitetit ndërkombëtar.

Osman Stafa, News 24: Ju keni deklaruar disa herë në fakt që tani nuk jeni më një politikan, por një misionar. Kur i mbaron mandati misionarit? Pra, misioni që ju keni nisur sipas statutit të PD.

Berisha: Pyetje e drejtë.

Po të marrësh të gjithë betejën time, unë e kam bërë për votën e shqiptarëve.

Unë betejën në PD e bëra që të votojnë demokratët dhe jo t’ua kontrollojë kush kryetarin.

Absolutisht. Kjo ishte gjithë beteja ime.

Unë betejën për shqiptarët po e bëj që ata të votojnë të lirë, të kenë zgjedhje të drejta.

Është betejë e vështirë, por çfarë është arritur?

Në rrafshin ndërkombëtar, të arrish të dënosh procesin zgjedhor, ta shpallësh farsë pa u zhvilluar, është arritje.

Në dëshpërim, por është arritje e madhe.

Këto zgjedhjet, të gjitha partitë simotra tona, i quajtën farsë 10 ditë para se të zhvillohen.

Misioni im mbaron ditën kur shqiptarët të votojnë të lirë.

Kjo është një betejë që mbyllet me sukses ditën kur shqiptarët të votojnë të lirë.

Por me këtë narkoshtet, shqiptarët kurrë, pa u çliruar prej tij, nuk do mund të votojnë të lirë.

Dhe në fakt beteja e madhe, lufta e madhe fiton pas kësaj farse.

Nuk duhet të flasim për zgjedhje më, duhet të flasim për farsë elektorale.

A do pranojnë shqiptarët që farsa të përcaktojë fatin e tyre? Jo, nuk e pranojnë.

Ndaj dhe unë dhe opozita është e vendosur ta bëjë këtë luftë.

Tani janë gjërat evidente.

U nis me vonesë, por kjo duhej të ishte nisur me datën 26 prill 2021.

Edhe atëherë vota vdiq pa hyrë në kuti.

Se ai vetëm në Durrës, Tiranë, Lezhë, Kurbin ndau 130 milionë euro me fatura thesari.

Ai tha vetë, Kodi Elektoral është kinezëri. Pra, kur nuk ka ligj, ka farsë.

Besoj se për çdo njeri me interes publik, kjo do të jetë një thirrje e madhe në ndërgjegjen e tij për rrezikun e jashtëzakonshëm që paraqet farsa për të ardhmen e tij dhe të kombit.

Ermal Rizaj, Syri Tv: Z.Berisha, si do të procedoni ju në seancën e 29 maj në parlament, ndërkohë që mblidhet departamenti i vjetër dhe ka deputetë, të cilët nuk do të jenë më në parlamentin e shatorit. Keni frikë ju se, deputetë të opozitës kalojnë ligje me rëndësi me qeverinë Rama gjatë seancave të fundit?

Berisha: Nuk kam asnjë lloj frike se deputetët e opozitës nuk do i qëndrojnë opozitarizmit. Pas kësaj farse elektorale ata do jenë dy herë më të motivuar për të denoncuar para shqiptarëve dhe botës të gjithë farsën e shëmtuar elektorale që ndodhi.

Ermal Rizaj, Syri Tv: Nga data 11 maj deri sot, i vetmi që dilni nga selia blu dhe denonconi jeni ju, të cilin procesin elektoral e quani farsë zgjedhore dhe publikoni prova nga selia blu. Është një strategji e zgjedhur nga ana juaj, apo duhet që edhe drejtuesit politikë edhe deputetët të ndjekin të njëjtën rrugë, gjë që nuk e kanë bvërë gjatë kësaj kohe/

Berisha: Ky është një moment, sepse të gjitha qarqet po bëjnë bilancin e tyre dhe ata do i denoncojnë të gjitha.

E vërteta do vijë në dritën e diellit në këtë sallë me të gjithë dokumentacionet, në të gjitha qarqet.

Por ndërkohë që ata po punojnë, po mbledhin materiale, po ndjekin numërimet, tani ata po përgatisin raportet për qarqet dhe ato do paraqiten publikisht.

Elda Menga, Top Channel: Pasi ju po denonconi çdo ditë farsën zgjedhore. Para se të mblidhni forumet, ideja e Sali Berishës pas farsës zgjedhore, a është që të kemi një marrëdhënie normale me parlamentin, apo do të kemi një opozitë agresive. Cili do të jetë qëndrimi që do të mbajë PD?

Berisha: Qëndresë, qëndresë, qëndresë ndaj shtetit elektoral kriminal.

Ndaj narkoshtetit shqiptar dhe përpjekje për të realizuar votën e lirë të shqiptarëve.

Të gjitha format.

Se çfarë sjell dita, do ta shihni, por e vërteta është se lufta jonë nuk ndërpritet gjer në ditën e zgjedhjeve të lira në Shqipëri.

Isa Myzyraj, Ora News: Ju pretendoni dhe pretendimet tuaja i bazoni në raportin e OSBE-ODIHR dhe në raportet ndërkombëtare. Por duke e marrë të mirëqënë farsën elektorale dhe atë që kanë deklaruar raportet ndërkombëtare, gjatë këtij 10 ditëshi, që ditën e zgjedhjeve, a ka patur një moment që Sali Berisha ka menduar që edhe kupola e PD mund të ketë patur faj, pasi siç na vlerësove që ne kemi ndjekur procesin zgjedhor kemi denoncuar. Ne kemi parë edhe PD z.Berisha, në kulmin e fushatës duhet thënë që ka patur drejtues qarqesh që pinin kafe gjithë ditën te kafja e PD. A i keni parë këto detaje, a ka mangësi me opozitarizmin e kolegëve tuaj?

Berisha: Isa, jo vetëm pas farsës, por në çdo kohë dhe në çdo moment, unë kam vetëdijen time se jashtë teorisë së gabimit nuk del askush.

Dhe të jeni të bindur ju, se PD pas luftës për paraqitjen ndërkombëtare të kësaj farse, pa diskutim që do bëjë të gjithë diskutimet e brendshme për të gjittë problematikat, defektet, të metat, gabimet, etj.

Vetëm një gjë, do t’i marrim me hierarkinë e vlerave dhe koncepteve.

Farsa nuk fitohet nga opozita.

Çfarë do që të bëjë opozita, opozita nuk e ndalon dot qeverinë që të falë 200 milionë euro gjoba.

Çfarë do që të bëjë opozita, opozita nuk e ndalon do qeverinë që të bëjë dhuratë 100 euro për 760 mijë pensionistë.

Çfarë do që të bëjë opozita, opozita nuk e ndalon do qeverinë që të shpërndajë miliona rrënjë kanabis për t’u mbjellë, të cilat në vetvete përbëjnë një potencial të tmerrshëm blerës në katër anët e vendit. Një rrënjë kanabis vlerësohet 1 mijë euro.

Çfarë do që të bëjë opozita, opozita nuk mund të arrestojë as Elvis Doçin dhe as Suel Çelën. Por opozita i ka denoncuar me zë dhe figurë në mënyrën më të fuqishme.

Opozita e ka bërë punën e vet duke garantuar një rezolutë ndërkombëtare të paprecedent, që i shpall këto zgjedhje farsë pa u zhvilluar.

Duke zhvilluar një hearing të paprecedent në Parlamentin Europian në mes të fushatës zgjedhore.

Por opozita farsën nuk mund ta fitojë.

Opozita fiton zgjedhjet.

Opozita duhet të gjykohet nëse fiton apo jo zgjedhjet.

Kurse farsat jo, farsat janë piramidë mashtrimi e qeverisë.

Mjafton të lexosh kapitullin për median, është kapitulli më i trishtuar. Kur shkruhet për autocensurën, ai është një fatalitet për vendin.

Këtë e imponon regjimi. Njeriu nuk e do autocensurën, por ajo imponohet nga regjimi.

Këtu është një strukturë e përbashkët shtet-krim, janë një këta.

Tani më thotë se ato përgjimet që kanë ardhur, tregojnë për darkat dhe drekat që Edi Rama shtronte me Pojën dhe Ergys Agasin me verërat 30-40 mijë euro shishja.

Pse ti kujton se do i marrësh vesh ndonjëherë nga Altin Dumani këto?

Kurrë.

I pastroi ai ato.

I cili u faktua se çfarë është.

Si të mos i arrestonte ai ata kur i solli Italia?

Nuk i arrestoi sepse ishte gjenerali elektoral i krimit.

Ja pra, po bëjmë një punë, por njerëzit nuk duhet të mashtrohen.

Me Edi Ramën zgjedhje nuk ka.

Anesti Bajramemaj, A2 CNN: Prej disa ditësh keni përmendur dy emra nga PS,Sama Mila dhe Zegjine Caushi, si dy deputete që kanë dalë me votat e krimit, por thoni që ka 28 të tillë nga radhët e soacialistëve. Kush janë 26 deputetët e tjerë që kanë dalë nga votat e krimit?

Berisha: Unë kam thënë që porosia ka qenë për 28 deputetë nga Edi Rama për bandat.

Mund ta bëjmë inventarin e tyre, por kjo është farë e njohur.

E thashë unë, po Zeqineja, po Belinda, po Rama vetë?

Dihet se kush janë.

Vetëm 4 deputetë kanë marrë 80 mijë vota.

A mund të ndodhë kjo? Vetëm 4.

Po, dy deputetë demokratë kanë marrë 40 mijë vota. Por kanë marrë vota të lira.

Ke dëgjuar ti ndonjëherë që këta dy deputetë t’i ketë mbështetur njeri nga bota e krimit?

Kurrë, sepse janë zero lidhjet tona me ta.

Po. Është e vërtetë.

Po mos harro se Blendi Xhabafti mori 10 herë më shumë vota se kandidati i dytë nga Xhabaftët në Vorë.

A nuk është ky më kriminel se Robert Xhabafti? Më kriminel është ky se ky e mori atë…

Ne prapë i qëndrojmë, këta do shpallen grupe terroriste.

Ne do punojmë me komunitetin ndërkombëtar se këta u panë.

Të sjell unë këtu deklaratën e ambasadorit Zannieri për këta.

Ne nuk jemi polici, thotë, por ata ishin aty.

Ata kërcënuan Flamur Nokën dhe Albana Vokshin.

Është e vërtetë, me kamera.

Altin Hajri i shkoi deputetes tonë në Hardhishtë për t’i thënë ik këtej se nuk ke punë këtu.

Po Altin Hajri mori lejen. Ai është gjoja në ndjekje se ka bërë sallatë trupin e viktimës në Golden. Dhe është gjoja në ndjekje ai.

Elvis Doçi gjoja në ndjekje. As në ndjekje fare. Në shtëpinë e tij para dy vitesh u gjetën dy milionë euro. Ku është?

Po çfarë janë dy milionë euro për të? Ai i kishte pare xhepi ato.