Krimi ka pushtuar Shqipërinë, Edi Rama i ndërron vendin drejtorëve të policisë! Ja lëvizjet në qarqe…

“Po përgatitemi për një fazë të re të reformës dhe të forcës parandaluese dhe goditëse të Policisë së Shtetit. Brenda kësaj jave, do të nisë një ndryshim i thellë me titullarët e strukturave të Policisë së Shtetit në nivel qarku, që do të shtrihet hap pas hapi në nivel kapilar në çdo komisariat të territorit të Republikës së Shqipërisë,” tha ministri i Brendshëm, Bledi Çuçi, pas ngjarjes tragjike në Velipojë ku pas keqmenaxhimit të plazhit nga shteti ngelën të vrarë katër persona. Reformën në Policinë e Shtetit e paralajmëroi edhe Kryeministri Edi Rama, u shkarkua Drejtori i Departamentit për Sigurinë, Gjovalin Kola, por lëvizjet brenda policisë që u bënë sot publike nuk kanë se pse e shqetësojnë krimin.

Kështu, Gjovalin Kola i cili dështoi si Drejtor i Sigurisë dërgohet në qytetin që drejtohet nga krimi, Elbasan!

Në Shkodër, që ishte dhe arsyeja e fillimit të këtyre lëvizjeve për Drejtor u emërua Zv/Drejtori i Drejtorisë Vendore të Policisë Gjirokastër, Skënder Hita ndërsa Drejtori i Drejtorisë Vendore të Policisë Shkodër Niko Brahimaj u transferua si Drejtor në hallkën kryesore më të përdolur të krimit, Institutin e Policisë Shkencore.

Policia Rrugore ndonëse me bilanc aktual lufte prej sot do të drejtohet nga njeriu i dytë i kryqendrës dhe krimit shqiptar. Zv/për sigurinë në DVP Tiranë, Dhimitraq Ziu u emërua Drejtor i Policisë Rrugore.

Pra, me qarkullimin e Drejtorëve në Policinë e Shtetit vazhdon dhe qarkullimi i krimit në vend pa trazuar strategjinë edhe pas aksionit “Shpirti” që me pompozitet vazhdon ta shes policia.

Të gjitha lëvizjet në strukturat e Policisë së Shtetit

Ndryshime në nivel drejtues në strukturat vendore të Policisë së Shtetit. Në kuadër të ristrukturimit për rritjen e forcës goditëse dhe parametrave të sigurisë në vend, Drejtori i Përgjithshëm i Policisë së Shtetit ka firmosur ndryshime në nivel vendor e qendror.

Zëvendësdrejtori i Drejtorisë Vendore të Policisë Gjirokastër Skënder Hita transferohet dhe emërohet Drejtor i Drejtorisë Vendore të Policisë Shkodër.

Drejtori i Drejtorisë Vendore të Policisë Shkodër Niko Brahimaj transferohet dhe emërohet Drejtor i Institutit të Policisë Shkencore.

Gjovalin Loka Drejtor i Departamentit për Sigurinë emërohet Drejtor i Drejtorisë Vendore të Policisë Elbasan.

Drejtori i Drejtorisë Vendore të Policisë Fier Bledar Çeliku transferohet dhe emërohet Drejtor i Drejtorisë Vendore të Policisë Vlorë.

Drejtor i Drejtorisë Vendore të Policisë Korçë Ferdinant Mara transferohet dhe emërohet Drejtor i Drejtorisë Vendore të Policisë Fier.

Hamdi Fjore deri tani zv.dr i DVP Korçë transferohet dhe emërohet drejtor i Drejtorisë Vendore të Policisë Kukës.

Drejtori i Drejtorisë Vendore të Policisë Durrës Lorenc Shehu transferohet dhe emërohet Drejtor i Drejtorisë Vendore të Policisë Lezhë.

Shefi i Komisariatit të Policisë Nr 2 në Tiranë Oltion Bistri transferohet dhe emërohet Drejtor i Drejtorisë Vendore të Policisë Durrës.

Ardian Çipa deri tani në Akademinë e Sigurisë transferohet dhe emërohet Drejtor i Drejtorisë Vendore të Policisë Korçë.

Edmond Tarkaj deri tani drejtor i Policisë Rrugore, transferohet dhe emërohet drejtor i Drejtorisë Vendore të Policisë Berat.

Dhimitraq Ziu deri tani zv.drejtor për sigurinë në DVP Tiranë , transferohet dhe emërohet Drejtor i Policisë Rrugore.

Luigj Vathi drejtor i Drejtorisë Vendore për Kufirin dhe Migracionin Vlorë deri tani transferohet dhe emërohet Zv.drejtor për sigurinë ne DVP Tiranë.

Neritan Nallbati deri tani drejtor i DVP Berat transferohet dhe emërohet Drejtor i Departamentit për Sigurinë në Drejtorinë e Përgjithshme të Policisë së Shtetit.

Policia e Shtetit siguron qytetarët se është tërësisht e angazhuar për të luftuar maksimalisht krimin e organizuar dhe për të krijuar një ambient sa më të sigurt për qytetarët.