Krimi makabër në Shkodër, zbardhen të tjera detaje/ Ja çka mësuar grupi hetimor nga kamerat…

Ende pa autor dhe pa një pistë hetimi të qartë ka mbetur krimi i rëndë i ndodhur dy ditë më parë në Shkodër, ku u ekzekutuan me 27 plumba automatiku një ish-oficer policie dhe bashkëjetuesja e tij. Ata u qëlluan me breshëri sapo parkuan automjetin në sheshpushimin e pallatit ku jetonin me qira.

Nga hetimet e deritanishme, grupi hetimor ka konluduar se në trupin e ish-oficerit të policisë janë gjetur 21 plumba, ndërkohë që mbi bashkëjetuesen e tij 6 të tillë. Burimet bëjnë më dije se janë sekuestraur pamjet filmike, nga ku grupi hetimor ka arritur në konkluzionin se autori mbante një kapele në kokë, ishte trup relativisht i gjatë dhe që ishte në pritje të viktimave.

Pasi kreu krimin, autori është larguar me një mjet “Benz C Class” në drejtim të lagjes “Kiras”, më pas ka marrë drejtimin në Zooteknike, duke u ndalur në zonën e By Pass-it të Shkodrës që është në ndërtim e sipër, ku dhe i ka vënë flakën mjetit, brenda të cilit ishte dhe arma.

Grupi hetimor ka dalë në konkluzionin se automjeti i përdorur në krim është i vjedhur, madje i janë bërë edhe modifikime.