Krimi te Onkologjiku, ministrja e Shëndetësisë: Ka nisur hetim administrativ! Grupi i PD: Interpelancë urgjente!
Kur të gjithë prisnin që minimalisht Ministrja e Shëndetësisë, Albana Koçiu, të jap dorëheqje, ajo jo vetëm që përgënjeshtroi Kryeministrin Edi Rama i cili refuzoi hetimin e Olsi Ramës për lidhjen me trafikantët e kokainës së Xibrakës me pretekstin se hetimet po i kryen prokuroria, sot kur prokuroria ka përfunduar hetimet për krimin te Onkologjiku në QSUNT duke deklaruar pas mbledhjes së qeverisë se ka nisur hetim administrativ në lidhje me skandalin tek Onkologjiku, por shkel dhe Raportin e famshëm nga “Skuadra e Shënimeve”, duke konfirmuar se kriminelët nuk i gjeti në Onkologjik, ata i krijoi sistemi që ngriti Edi Rama.
“Po risjell reagimin për spitalin Onkologjik, dua ta theksoj që korrupsioni është vija e kuqe ndarëse mes interesit publik të një qytetarët. Ne kemi nisur një hetim administrativ krahas hetimit që ka filluar prokuroria. Të ndëshkojë të gjithë ata që kanë kryer proceduar që cenojnë figurën e mjekut dhe infermierit. Hetimi administrativ që ne kemi nisur së bashku do të jetë një hetim që do të diskutojë shumë aspekte të punës në këtë shërbim. Është e patolerueshme që mjeku ta konsiderojë jetën njerëzore si një mall në tregun e shumicës,” tha Albana Koçiu duke harruar se mjekët e Onkologjikut u bënë kriminel në sistemin që ngriti Edi Rama dhe sërish paralajmëron ndryshime të ligjit:
“Do të iniciojmë ndryshime ligjore për të bërë amendime në ligjin për urdhrin e mjekut për të vendosur dhe aty sanksione të forta që ndëshkojnë këdo që e rajon jetën njerëzore si mal shumice në tregun e lirë. Duhet të jenë thelbi i punës së çdo profesionisti. Hetimi do të bëjë të mundur edhe një ridemensionim të sistemit të Onkologjikut,” tha Ministrja e Shëndetësisë, Albana Koçiu, e për të arsyetuar daljen e saj meqë nuk tha asgjë, bëri të ditur për rritjen e pagave 20 mijë lekë për mjekët dhe 15 mijë lekë për infermierët.
Por, hetimi administrativ për të cilin foli ministrja Koçiu nuk ka ndryshuar mendjen e deputetëve demokratë të cilët në mbledhjen e Grupit Parlamentar vendosën të kërkojnë interpelancë urgjente me ministren e Shëndetësisë:
“Sapo ka përfunduar mbledhja e grupit parlamentar të PD. Në qendër të diskutimeve skandali i Onkologjikut. Grupi ka miratuar kërkesën për një interpelancë me ministren Koçiu, në seancën e ardhshme, për t’iu përgjigjur papërgjegjshmërinë që ka udhëhequr ministrin në trajtimin e këtij problemi,” tha pas mbledhjes Kryetari i Grupit Parlamentar të Partisë Demokratike, Gazment Bardhi, duke përfunduar:
“Dje ministrja, edhe për shkak të indinjimit të thellë që gjëja ka shkaktuar në popull, shprehu neveri për që që ka ndodhur, por institucionet kanë qenë të informuara në kohë për atë që po ndodhte.”
