Kriminelët me të cilët Edi Rama do të bëjë Mini Shengen: “E vërteta vdes më vështirë se njerëzit – Reçak”

Kriminelët serbë me të cilët Kryeministri Edi Rama do të realizoj lëvizjen e lirë të njerëzve dhe mallrave përmes projektit të pagëzuar nga Presidenti i Serbisë, Aleksandar Vuçiç, Mini Shengen, sot vazhduan duke sulmuar viktimat e Masakrës së Reçakut,e  cila nga misioni i OSBE në Kosovës në vitin 1999 u shpall Krim Kundër Njerëzimit.

Në Samitin e Tiranës, kryeministri Edi Rama tha se e ka dënuar publikisht deklaratën e Vuçiçit i cili Masakrën e Reçakut e quajti trillim por shtoi se “nuk di në historinë e njerëzimit ndonjë rast kur konfliktet pas luftës janë zgjidhur pa u ulur përballë, ose në krah dhe pa vazhduar me këmbëngulje përpjekjet për dialog.”

Meqë përpjekje të tilla janë bërë nga Kosova me Beogradin zyrtar edhe me ndërmjetësimin e Brukselit dhe Vuçiç nuk i ka respektuar, nuk dihet nëse di ndonjë rast Edi Rama kur kriminelët e luftës kanë vazhduar të fyejnë viktimat.

Ja që kjo vazhdon të ndodhë në Beograd edhe sot kur me angazhimin e Qeverisë së Serbisë organizohet një tryezë që u quajt “E vërteta vdes më vështirë se njerëzit – Reçak”, për ti thënë opinionit publik serb se në Reçak nuk janë vrarë civilë të pafajshëm, siç e ka prezantuar shefi i misionit të OSBE në Kosovë, Ambasadori Wolker, që ishte dhe shkaku për të bombarduar Jugosllavinë, dhe me gojën e kujt, gjyqtares kriminale të emëruar nga Sllobodan Millosheviç dhe që vepronte në Prishtinë si Gjyqtare Hetuese e Qarkut të Prishtinës, Danica Marinkoviç.

Tryezën e hapi Sekretari i shtetit pranë Ministrisë së Mbrojtjes, Aleksandar Zhivkoviç, duke theksuar se ky ishte rasti të thuhet e vërteta që duke shkel të gjitha ligjet ndërkombëtare u krye agresioni ndaj një shteti të pavarur si Serbia që shkaktoi shumë viktima, si ndaj pjesëtarëve të sistemit të mbrojtjes dhe sigurisë ashtu dhe qytetarëve duke përfshirë dhe fëmijë. 

“Është shumë e rëndësishme që bisedimet rreth kësaj teme para së gjithash ti dëgjojnë ata tek të cilët përgjegjësia do të jetë më e madhe për mbrojtjen e Republikës së Serbisë, pjesëtarëve të ushtrisë dhe policisë,” tha Sekretari i shtetit pranë Ministrisë së Mbrojtjes së Serbisë, Aleksandar Zhivkoviç, i shqetësuar që në radhët e ushtrisë dhe policisë serbe të mos ketë serbë që mendojnë se në Reçak është bërë Masakër dhe të kenë ndjeshmëri njerëzore ndaj shqiptarëve.

Në emër të Universitetit të Mbrojtjes së Serbisë i cili vazhdon të prodhojë kriminelë serbë, foli Gjeneral/Koloneli, Goran Radovanoviç:

“E vërteta shumë shpesh është nocion i keqpërdorur dhe kjo teori është zbatuar në rastin e Reçakut,” tha eprori i lartë serb i cili siç mori pjesë në këtë tryezë kriminale vazhdon merr pjesë për fat të keq edhe në takimet e nivelit të lartë me NATO-n dhe KFOR-in.

Dhe pika që derdhi gotën kriminale serbe ishte fjalimi i Gjyqtares Hetuese të Gjykatës së Qarkut Prishtinë në kohën kur ndodhi Masakra e Reçakut, Danica Marinkoviç ndërsa po transmetohej nga televizioni publik i Serbisë, RTS:

“Në Reçak nuk ndodhi masakra, gjenocidi dhe as krimi siç thonë edhe sot kriminelët dhe terroristët në Prishtinë. Ne kemi dëshmuar, me dëshmi që i ka mbledhë policia serbe, se në Reçak ishte një shembull klasik i konfliktit të policisë serbe dhe terroristëve shqiptarë,” tha Marinkoviç por nuk sqaroi se pse me orë të tëra policia kriminale serbe me urdhër të saj nuk lejoi as misionin e OSBE ti afrohet vendit të masakrës, e cila ndonëse me angazhimin e kësaj krimineleje serbe dhe policëve të urdhëruar nuk arritën ti zhdukin të gjitha dëshmitë.    

Por ajo nuk u mjaftua me kaq ndonëse ngatërroi datat dhe pasuroi gënjeshtrën e saj që vazhdon ta rrëfej për mediat serbe që nga viti 1999:

“Si gjyqtare hetuese kam dal për këqyrjen e vendit të ngjarjes në fshatin Reçak më 15 janar 1999, ku pas tre ditëve kam arritur të futem në fshat që të mbledhë dëshmitë dhe të dëshmoi se në Reçak nuk janë vrarë civilët e pafajshëm. Nuk kishte masakër siç e prezantoi duke mashtruar Wolker, që ishte dhe shkaku për të bombarduar Jugosllavinë, por kemi konfirmuar, pasi gjetëm armë, bunkerë, kanale dhe uniforma, se ata ishin pjesëtarë të bandës terrorirste UÇK dhe se kemi të bëjmë me shembull klasik të aksionit antiterrorist, të cilin e ka ndërmarr policia kundër terroristëve,” tha Marinkoviç po me atë fjalor të vitit 1999 kur i shërbente Millosheviçit dhe Qeverisë ku Aleksandar Vuçiç ishte ministër.

Por tryeza nuk u mjaftua me kaq! Fjalën e mori edhe njëri ndër kriminelët më të shquar të ushtrisë serbe, Koloneli i Policisë tashmë në pension, Bogolub Janiçeviç i cili ka shërbyer në vitet e luftës në Ferizaj dhe ka vepruar shumë më ashpër se vetë Rankoviçi, i cili asgjë më pak se Kryeministri Edi Rama është angazhuar për krijimin e Serbisë së Madhe, me dallimin e vetëm se në atë kohë nuk bëhej fjalë për Mini Shengen dhe përralla të ngjashme por për vrasjen dhe dëbimin e shqiptarëve në shtëpitë e tyre.  

Dhe kjo tryezë kriminale nuk do të quhej tryezë antishqiptare sikur të mos merr pjesë edhe Kryetari i Komisiont parlamentar për Kosovën, Millorad Drecun i cili folir për rrethanat politiko-ushtarake në prag të sulmit të NATO-s dhe fushatës mediatike, siç tha Drecun, “të rrejshme”, për ngjarjen në Reçak.

Ndryshe, më 15 janar të vitit 1999, forcat policore dhe ushtarake serbe kryen njërën ndër masakrat më të tmerrshme në Kosovë ku u vranë dhe u masakruan barbarisht 45 civilë shqiptarë.

Ky gjenocid, tronditi gjithë opinionin ndërkombëtar, pas sensibilizimit të shefit të Misionit të OSBE, Ambasadorit amerikan, William Wolker.

Ai e quajti,  ngjarjen në Reçak si krim kundër njerëzimit, masakër e cila ndryshoi jo vetëm rjedhën e zhvillimeve në Kosovës por edhe fatin e kriminelit serb të luftës, Sllobodan Millosheviç, shteti kriminal I të cilët për pak ditë u ndëshkua nga forcat e NATO-së për 66 ditë bombardimi të forcave serbe deri në çlirimin e Kosovës.