Krimineli Vladimir Putin nuk e njeh Kosovën edhe pse vendimin e GJND-së e konsideron të drejtë
Presidenti i Rusisë, Vladimiri Putin, nuk e njeh shtetin e Kosovës por sot i tha në Kremlin, Sekretarit të Përgjithshëm të OKB-së, Antonio Guterres, se e kishte lexuar vendimin e Gjykatës Ndërkombëtare të Drejtësisë për Kosovën dhe Republikat e vetëshpallura të Donestkut dhe Luhanskut janë bërë të pavarura nga Ukraina në një mënyrë të ngjashme.
“Kam lexuar të gjitha dokumentet e Gjykatës Ndërkombëtare të OKB-së në lidhje me situatën në Kosovë dhe më kujtohet shumë mirë fjalia që thotë se në ushtrimin e të drejtës së vetëvendosjes një territor i një shteti nuk është i detyruar të marrë leje tek autoritetet qendrore të vendit të tyre për të deklaruar sovranitetin, diçka e mbështetur nga të gjithë dhe që përbën një precedent,” tha Putin duke pretenduar se Kosova kishte shpallur pavarësinë në vitin 2008 pa u konsultuar me Serbinë, pyeti Guterresin nëse ai ishte dakord që ofronte një precedent për dy republikat e Donbasit për të shpallur pavarësinë pa lejen e Kievit dhe që Moska t’i njihte ato pasi shumë vende perëndimore e njohën Kosovën, ndërsa harroi një detaj thelbësor për realitetin që krijoi me sulmin mbi Ukrainë: Serbia kishte bërë gjenocid në Kosovë!
Antonio Guterres duke ju referuar realitetit aktual tha se OKB nuk e njoh Kosovën, por Vladimir Putin po fliste me veten e vetë para kamerave dhe shtoi se vendimi i Gjykatës Ndërkombëtare të Drejtësisë ishte pranuar dhe mbështetur nga të gjithë duke vazhduar përpjekjet për arsyetuar agresionin e tij mbi Ukrainën.
Kështu krimineli Vladimir Putin i ndërgjegjshëm që GJND kishte të drejtë, nuk e njohu Kosovën, bllokoi proceset itegruese të Kosovës dhe anëtarësimin në OKB duke i shkaktuar dëme kolosale!
Dhe, me logjikën kriminale të Presidentit të Rusisë, Vladimir Putin, duke iu referuar precedentit edhe Ukraina paska të drejtë të aneksoj Rusinë, ta krijoj Bashkimin e madh Ukrainas dhe të anëtarësohet në OKB!
