Kriminelja ruse e luftës flet në OKB – SHBA, Britania, Shqipëria dhe Malta braktisin seancën

Përfaqësuesit e SHBA, Britanisë Madhe, Shqipërisë dhe Maltës braktisën mbledhjen e Këshillit të Sigurimit të OKB kur fjalën e mori Komisionerja ruse për të drejtat e fëmijëve për të cilën Gjykata Ndërkombëtare e Drejtësisë në Hagë, ICC, ka lëshuar urdhër arrest pas akuzave të ngritura për krime lufte dëbim të paligjshëm të fëmijëve të mitur.

Mesazhi amerikan

“Deri sa Rusia kryeson Këshillin e Sigurimit, ne do shfrytëzojmë çdo rast që ti kundërvihemi përdorimit të pozicionit nga ana e tyre për përhapjen e dezinformimeve,” tha Ambasadorja amerikane në OKB, Linda Thomas Greenfield, duke shtuar se SHBA dhe Britania e Madhe kanë bllokuar transmetimin përmes internetit të kësaj mbledhje, kështu që Lvova-Belova nuk e mori “podiumin ndërkombëtar për përhapjen e dezinformatave dhe përpjekjen për mbrojtjen e aktiviteteve të tyre të tmerrshme në Ukrainë”. 

Pasi përfaqësuesit e SHBA, Britanisë Madhe, Shqipërisë dhe Maltës, braktisën mbledhjen ndërsa Lvova-Belova po fliste, Ambasadori rus në OKB, Vasilij Nebenzia, shfrytëzoi mikrofonin në Këshillin e Sigurimit për të bërë edhe propagandë kriminale duke theksuar se “ky është një tregues i qartë i indiferencës së tyre ndaj fatit të fëmijëve nga Donbasi dhe Ukraina”. 

Ndryshe, më 17 Mars, ICC ka lëshuar urdhër arreste për Presidentin e Rusisë, Vladimir Putin, dhe Komisioneren ruse për të drejtat e fëmijëve, Marija Lvova-Belova, për shkak të krimeve të luftës për dëbim të paligjshëm të fëmijëve nga rajonet e Ukrainës të pushtuara nga forcat ruse.

Marija Lvova-Belova përmes një lidhje virtuale mori pjesë në mbledhjen joformale të Këshillit të Sigurimit të OKB të cilën e ka thirrur Rusia, për të debatuar rreth evakuimit të fëmijëve ukrainas nga zonat e konfliktit.

Më 1 Prill, Rusia ka marrë kryesimin e Këshillit të Sigurimit të OKB.