Krimit i plasën ujërat, Meta: Zyrtarë të Qeverisë, aferë me mld €! Rama: Ke paguar para të zeza për…

Ndërkohë që ka filluar fushata zgjedhore për zgjedhjet parlamentare të 25 Prillit 2021, krimit sërisht i plasën ujërat në Tiranë. Dhe, shtatzënë të këtij krimi vazhdojnë të jenë dyshja kriminale Meta-Rama që shkatërroi këtë vend dhe për krimet e tyre vazhdojnë e gërthasin që nga KPD-ja e famshme e KPD pa iu përgjigjur për asnjë çast drejtësisë.

Dje, Presidenti i Republikës, Ilir Meta akuzoi qeverinë se zyrtarë të saj janë të përfshirë në një veprimtari kriminale miliarda euroshe, që sipas tij, mund të çojë drejt katastrofës financa të shtetit, por Ish-Shkronjësi i fjalimeve të tij, Kryeministri aktual Edi Rama nuk i la asgjë mangut në përgjigje. Ai nuk sqaroi sa ishin të vërteta akuzat por akuzoi Metën se ka paguar para të zeza për të përhapur në botë shpifje që sterrosin vendin”.

“Çfarë shëmtie! Të paguash para të zeza për të përhapur në botë shpifje që sterrosin vendin ku të kanë bërë kryeministër, kryeparlamentar, president!” thekson në reagimin e tij përmes rrjetit social Kryeministri Edi Rama duke përfunduar:

“Të blesh pisa të huaj për ta bërë pis atdheun ku shitesh si patriot i përvëluar #PaAtdhe #PaDin #PaIman.”

Që ky reagim është për konsum të brendshëm komunist dëshmon edhe fakti se Edi Rama nuk iu përgjigj akuzës së njeriut që e solli në pushtet dhe ishte fjala e vetm e vërtetë që tha dje:

Socialistët nuk i solli në pushtet Rama, ai solli bandat!

Po, kjo është plotësisht e vërtetë! Ilir Meta braktisi qeverisjen me Sali Berishën dhe solli Edi Ramën në pushtet!